मुंबई: भाजप नेते आणि विधान परिषदेचे आमदार प्रसाद लाड यांच्याविरोधात आपने विधान परिषद सभापती, गृहमंत्री दिलीप वळसे पाटील आणि पोलीस आयुक्तांना पत्र पाठवले आहे. मुंबै बँकेच्या निवडणुकीच्या मतदार संदर्भातील चौकशी करण्यात यावी अशी मागणी या पत्रात करण्यात आली आहे. त्यामुळे प्रविण दरेकरांनंतर आता प्रसाद लाड यांच्या अडचणीत वाढ होण्याची शक्यता आहे (AAPs Letter To Home Minister And Commissioner Of Police).
आपची मागणी काय?
प्रसाद लाड (Prasad Lad) हे मुंबै बँकेचे संचालक आहेत. मुंबै बँकेच्या (Mumbai Bank) 2021-2026 या पंचवार्षिक निवडणुकीसाठीची मतदार यादीनुसार प्रसाद लाड हे 'क्रिस्टल कर्मचारी सहकारी संस्था मर्यादित' या संस्थेतर्फे मतदार आहेत असे नमूद आहे.
पगारदार नोकरांची सहकारी पतसंस्थेच्या उपिवधी मधील पृष्ठ क्रमांक 4, ड 1.1 मधील क्रमांक 1 नुसार कोणत्याही व्यक्तीला महाराष्ट्र सहकारी संस्था अधिनयम 1960 कलम 22 प्रमाणे काही अटीची पूर्तता केल्याशिवाय सभासद होता येत नाही. मालकाच्या धोरणानुसार "कोणताही सेवक तो कायम /सेवक (Permanent) (एम्प्लॉईज) असला पाहीजे. उद्देशानुसार संस्थेचे सभासदत्व हे फक्त कायम कर्मचारी असलेल्या व्यक्तीलाच देण्यात येते"
प्रसाद लाड हे पगारदार नोकर नाहीत - आप
पण, प्रसाद लाड हे विधान परिषदेचे आमदार आहेत. व्यवसायाने ते उद्योजक आहेत. पगारदार नोकर नाहीत. गेले कित्येक वर्षे ते मुंबै बँकेत पगारदार नोकरांच्या सहकारी संस्थेतर्फे निवडून जात आहेत. हे अत्यंत गंभीर आणि जनतेची दिशाभूल करणारे आहे, असा आरोप आपकडून (AAP) करण्यात आला आहे .
या संदर्भात विधान परिषदेने सखोल चौकशी करुन निर्णय घ्यावा, अशी विनंती आपच्या धनंजय शिंदे यांनी आपल्या पत्रात केलीय.
Edited By - Nupur Uppal
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.