LPG Price Hike: अर्थसंकल्पापूर्वी सर्वसामान्यांच्या खिशाला फटका! LPG गॅसच्या किंमती वाढल्या; वाचा नवीन दर

आज १ फेब्रुवारी रोजी देशाचा अर्थसंकल्प सादर होणार आहे. अर्थमंत्री निर्मला सितारामन संसदेत अर्थसंकल्प सादर करतील. अर्थसंकल्पापूर्वीच सर्वसामान्यांसाठी एक महत्त्वाची बातमी समोर आली आहे. एलपीजी गॅसच्या किंमतीत वाढ झाली आहे. एलपीजी गॅस सिलेंडरसाठी तुम्हाला आता जास्त पैसे मोजावे लागणार आहे.

१ तारखेला जाहीर होतात एलपीजी गॅसच्या नवीन किंमती

दर महिन्याच्या १ तारखेला एलपीजी गॅसच्या नवीन किंमती जाहीर केल्या जातात. आज १ फेब्रुवारी रोजी एलपीजी गॅस सिलिंडरच्या किंमती वाढल्या आहेत. १९ किलो वजनाच्या कमर्शियल म्हणजेच व्यवसायिक गॅसच्या किंमतीत वाढ झाली आहे. देशातील सरकारी ऑइल मार्केटिंग कंपन्यांनी हे दर जारी केले आहे.

एलपीजी गॅस ५० रुपयांनी महगला (LPG Gas Price Hike by 50 Rupees)

१९ किलो वजनाच्या एलपीजी गॅसच्या किंमतीत ४९ रुपयांनी वाढ झाली आहे. आजपासून हे नवीन दर लागू झाले आहे. याआधीही जानेवारी महिन्यात एलपीजी गॅसच्या किंमती वाढल्या होत्या. तेव्हा तर १११ रुपयांची वाढ झाली होती. दरम्यान, व्यवसायिक गॅसच्या किंमती वाढल्या आहेत. याचा कोणताही परिणाम घरगुती गॅसवर झालेला नाही. त्यामुळे घरगुती गॅसच्या किंमती स्थिर आहेत. यामुळे गृहिणींना दिलासा मिळाला आहे.

आजचे एलपीजी गॅसचे दर (Today LPG Gas Price)

आज मुंबईत १९ किलो वजनाच्या एलपीजी गॅसच्या किंमती १६९२ रुपये झाल्या आहेत. याआधी या किंमती १६४२ होत्या. कोलकत्यात एलपीजी गॅसत्या किंमती १८४४.५० रुपये झाल्या आहेत. मागील दोन महिन्यापासून एलपीजी गॅसच्या किंमती वाढत असल्याने हॉटेलमालक किंवा खाद्य पदार्थांच्या व्यावसायिकांना चांगलाच फटका बसत आहे.