Phone Unlock Tricks: फोनचा पासवर्ड विसरलात? दुकानात न जाता फोन उघडण्यासाठी वापरा 'हे' ट्रिक्स, फोन होईल अनलॉक

बर्‍याच वेळा आपल्याला जुना मोबाईल पासवर्ड आठवत नसल्यामुळे समस्या निर्माण होते. अनेकजण पासवर्ड बदलल्यानंतर जुन्या पासवर्डचा वापर करत राहतात, ज्यामुळे फोन अनलॉक होत नाही. अशा परिस्थितीत काही लोक फोन स्टोअर किंवा दुकानात जाऊन पासवर्ड क्रॅक करून घेतात, पण यासाठी पैसे द्यावे लागतात. मात्र, घरबसल्याही पासवर्ड बदलणे शक्य आहे.

जर तुमचा अँड्रॉइड फोन व्हर्जन ४.४ किंवा त्यापेक्षा कमी असेल, तर ५-६ वेळा चुकीचा पासवर्ड किंवा पॅटर्न टाकल्यावर स्क्रीनवर 'फॉरगॉट पॅटर्न' किंवा पासवर्ड रीसेट करण्याचा पर्याय दिसतो. यानंतर गुगल अकाउंटची माहिती भरण्यासाठी विचारले जाते आणि पासवर्ड रीसेट करता येतो.

जर फोन तुमच्या गुगल अकाउंटशी लिंक असेल, तर दुसऱ्या डिव्हाइसवरून findmydevice.google.com वर लॉगिन करून लॉक केलेले डिव्हाइस निवडून नवीन पासवर्ड सेट करता येतो. हा पासवर्ड वापरून फोन अनलॉक करता येतो. जर वरील पद्धतींनीही फोन उघडत नसेल, तर फॅक्टरी रीसेट हा शेवटचा उपाय राहतो. यासाठी फोन बंद करून पॉवर आणि व्हॉल्यूम डाउन बटण एकत्र दाबून रिकव्हरी मोडमध्ये जाणे आवश्यक आहे.

मेनूमध्ये 'Wipe Data/Factory Reset' निवडल्यावर फोन रीस्टार्ट होईल आणि पासवर्ड काढून टाकला जाईल. मात्र, या प्रक्रियेत सर्व डेटा हटवला जातो. आयफोन यूजर्ससाठी फोन संगणकाशी कनेक्ट करून iTunes किंवा Finder वापरून रिकव्हरी मोडमध्ये 'Restore iPhone' हा पर्याय निवडावा लागतो, ज्यामुळे पासवर्ड काढला जातो, पण डेटा बॅकअप नसल्यास सर्व माहिती मिटवली जाते.

अँड्रॉइड यूजर्स स्मार्ट लॉक फीचरचा वापर करून भविष्यकाळात पासवर्ड विसरल्यासही फोन सहज अनलॉक करू शकतात. स्मार्ट लॉकमध्ये ट्रस्टेड लोकेशन, डिव्हाइस किंवा फेस रेकग्निशन सेट करून, फोन आपोआप अनलॉक होतो. महत्त्वाची बाब म्हणजे स्मार्ट लॉक आधीच सेटअप केलेले असावे.