आधीच महागाईचे चटके सहन करणाऱ्या दिल्लीकरांना आणखी एक झटका बसला आहे. गुरुवारी सकाळी दिल्ली आणि एनसीआरमध्ये सीएनजीच्या दरात वाढ करण्यात आली आहे. गेल्या तीन आठवड्यात दुसऱ्यांदा सीएनजीच्या किंमती वाढल्या असून तेल कंपन्यांनी आजपासून नवे दर जारी केले आहेत. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
दिल्ली-एनसीआरपाठोपाठ गाझियाबादमध्ये सीएनजीच्या किमती वाढवण्यात आल्या आहेत. तेल विपणन कंपन्यांच्या दिलेल्या माहितीनुसार, तिन्ही शहरांमध्ये सीएनजीच्या दरात प्रति किलो १ रुपयांची वाढ करण्यात आली आहे.
त्यामुळे दिल्लीत आता सीएनजीचा नवीन दर ७६.५९ रुपये प्रति किलो इतका झाला आहे, तर नोएडा आणि गाझियाबाद शहरात सीएनजीचा दर ८२.२० प्रति किलोवर पोहचला आहे. सीएनजीच्या किंमती वाढल्याने प्रवास देखील वाढण्याची शक्यता आहे.
याआधी 23 नोव्हेंबरलाही दिल्ली-एनसीआरमध्ये सीएनजीच्या किमतीत प्रतिकिलो १ रुपयाची वाढ करण्यात आली होती. दरम्यान, दिल्लीकरांना दिलासा देण्यासाठी सरकारने जुलै महिन्यात सीएनजीच्या किंमती ठरवण्यासाठीच्या मानकांमध्ये बदल केला होता. मात्र, याचा फारसा परिणाम जाणवत नसल्याचं दिसून येतंय.
एकीकडे दिल्लीत सीएनजी महागला असला, तरी मुंबई आणि पुण्यात सीएनजीच्या दरात कुठलाही बदल करण्यात आलेला नाही. मुंबईत सीएनजीचा दर प्रतिकिलो ७६ रुपये इतका असून पुण्यात प्रतिकिलो ८८ रुपयांवर आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.