CNG Price Hike: सर्वसामान्यांना मोठा झटका; सीएनजीच्या दरात पुन्हा वाढ

सर्वसामान्यांसाठी अत्यंत महत्त्वाची बातमी समोर आली आहे. पेट्रोल डिझेलनंतर आता सीएनजीच्या दरात वाढ झाली आहे. सीएनजीचे दर जवळपास १ रुपयांनी वाढले आहे. दिल्लीत पुन्हा एकदा सीएनजीचे दर वाढले आहेत. दोन दिवसांपूर्वी सीएनजीचे दर २ रुपयांनी वाढले होते. त्यानंतर आता १ रुपयांनी वाढले आहेत. त्यामुळे सर्वसामान्यांच्या खिशाला चांगलाच फटका बसणार आहे.

सीएनजीचे दर वाढले (CNG Price Hike in Delhi)

दिल्लीत आज पुन्हा एकदा सीएनजीच्या दरात १ रुपयांनी वाढ करण्यात आली आहे. दिल्लीत १ किलो सीएनजीचे दर ८०.०९ रुपये आहेत. तर मुंबईत सीएनजीचे दर ८१ रुपये आहेत. दोन दिवसांपूर्वीच सीएनजीच्या दरात २ रुपयांनी वाढ झाली होती. त्यानंतर आता पुन्हा एकदा वाढ झाली आहे. त्यामुळे हा सर्वसामान्यांसाठी मोठा धक्काच म्हणावा लागणार आहे.

दरम्यान, सीएनजीचे दर वाढले असले तरीही पीएनजीच्या किंवा घरगुती गॅसच्या किंमतीत कोणताही बदल झालेला नाही. पीएनजी आणि घरगुती गॅसच्या किंमती स्थिर आहेत.

महाराष्ट्रातील सीएनजीचे दर (CNG Rates in Maharashtra)

पुण्यात सीएनजीचे दर ९१.५० रुपये प्रति किलो

नाशिकमध्ये सीएनजी ९३.६५ रुपये प्रति किलो

साताऱ्यात सीएनजीचे दर ९५.५० रुपये प्रति किलो

सोलापूरमध्ये सीएनजीचे दर ९३ रुपये प्रति किलो

ठाण्यात सीएनजीचे दर ८१ रुपये प्रति किलो