भारत आणि इंग्लंड या दोन्ही संघांमध्ये ५ कसोटी सामन्यांची मालिका सुरू आहे. या मालिकेतील सुरुवातीच्या ४ सामन्यांमध्ये युवा फलंदाज यशस्वी जयस्वालची बॅट चांगलीच तळपली आहे. त्याने या ४ सामन्यांमध्ये फलंदाजी करताना दोन दुहेरी शतकांसह ६५५ धावा केल्या आहेत. यादरम्यान त्याने अनेक मोठे रेकॉर्डस् मोडून काढले आहेत. दरम्यान धरमशालेत होणाऱ्या पाचव्या कसोटीतही त्याला आणखी एक मोठा रेकॉर्ड मोडून काढण्याची संधी असणार आहे.
हा मोठा रेकॉर्ड मोडण्याची संधी..
भारतात कसोटी मालिका खेळताना सर्वाधिक धावा करण्याचा रेकॉर्ड हा वेस्टइंडीजच्या एवर्टन विक्सच्या नावावर आहे. १९४८-४९ मध्ये वेस्टइंडीजचा संघ भारत दौऱ्यावर आला होता. त्यावेळी झालेल्या ५ कसोटी सामन्यांच्या मालिकेत एवर्टन विक्स यांनी तुफान फटकेबाजी करत ७७९ धावा केल्या होत्या.
या मालिकेत ते सर्वाधिक धावा करणारे फलंदाज होते. यादरम्यान त्यांनी ४ शतकं देखील झळकावली होती. या भारतात कसोटी मालिका खेळताना कुठल्याही फलंदाजाने केलेल्या सर्वाधिक धावा आहेत. यशस्वी जयस्वालला हा रेकॉर्ड मोडण्यासाठी केवळ १२५ धावांची गरज आहे. या धावा करताच तो भारतात कसोटी मालिका खेळताना सर्वाधिक धावा करणारा फलंदाज ठरेल. (Cricket news in marathi)
धरमशालेत पाडणार धावांचा पाऊस?
जर अंतिम कसोटीतही जयस्वालची बॅट तळपली तर तो हा मोठा रेकॉर्ड मोडून काढू शकतो. या मालिकेतील ४ सामन्यांमध्ये त्याने धावांचा पाऊस पाडत ६५५ धावा केल्या आहेत. यादरम्यान त्याने दुहेरी शतकं झळकावली आहेत. मुख्य बाब म्हणजे त्याने जेव्हा जेव्हा शतक पूर्ण केलं. त्यानंतर त्याने दुहेरी शतक देखील यशस्वीरीत्या पूर्ण केलं आहे.
या सामन्यासाठी असा आहे भारतीय संघ:
रोहित शर्मा (कर्णधार), जसप्रीत बुमराह (उपकर्णधार), यशस्वी जयस्वाल, शुभमन गिल, रजत पाटीदार, सरफराज खान, ध्रुव जुरेल (यष्टीरक्षक), के.एस. भरत (यष्टीरक्षक), देवदत्त पडिक्कल, आर. अश्विन, रविंद्र जडेजा, अक्षर पटेल, कुलदीप यादव, मोहम्मद. सिराज, मुकेश कुमार, आकाश दीप.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.