World Cup 2023 Bangladesh vs Sri Lanka:

श्रीलंकेचा फलंदाज चरिथ असलंकाच्या शतकी खेळीने लंकेच्या संघाने २७९ धावा केल्या. बांगलादेशचा कर्णधार शाकिब अल हसनने नाणेफेक जिंकून प्रथम गोलंदाजी करण्याचा निर्णय घेतला. परंतु हा निर्णय लंकेच्या फलंदाजांनी चुकीचा ठरवत बांगलादेशासमोर धावांचा डोंगर उभा केला. (Latest News)

चरिथ असलंकाने १०८ धावांची खेळ करण्यासाठी ६ चौकार आणि षटकार मारलेत. तर बांगलादेशकडून गोलंदाजी करताना तंजीम हसन साकिबने ३ विकेट घेतले. शोरिफूल इस्लाम आणि शाकिब अल हसन यांना २-२ विकेट मिळाल्यात. त्यानंतर मेंहदी हसन मिराज विकेट घेतली. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दिल्लीच्या अरुण जेटली स्टेडिअमवर बांगलादेश आणि श्रीलंकेच्या संघात सामना होत आहे. उपात्य फेरीतमध्ये प्रवेश करण्यासाठी लंकेचा संघ प्रयत्न करत आहे तर बांगलादेशच्या क्रिकेट संघाचं वर्ल्ड कपमधून पॅकअप झालंय. पॉइंट टेबलमध्ये टॉप-७ मध्ये राहून चॅम्पियन्स ट्रॉफी २०२५ च्या पात्रता मिळावी, यासाठी बांगलादेशचा संघ मैदानात उतरतलाय. जे संघ या वर्ल्ड कपच्या पाईंट् टेबलमध्ये टॉप-७ मध्ये असतील त्या संघांना २०२५ मध्ये होणाऱ्या चॅम्पियन्स ट्रॉफीसाठी थेट तिकिटं मिळणार आहे.

दरम्यान प्रथम फलंदाजी करताना श्रीलंकेला पहिल्या षटकातच पहिला झटका मिळाला. सलामीवीर कुसल परेरा अवघ्या चार धावा करून बाद झाला. शरीफुल इस्लामने त्याला झेलबाद केले. मुशफिकुर रहीमने डायव्ह करत परेराचा शानदार झेल घेतला. त्यानंतर लंकेला दुसरा झटाक कुसल मेंडिसच्या रुपात लागला.

मेंडिसने ३० चेंडूमध्ये १९ धावा केल्या. त्यावेळी लंकेच्या संघाच्या ६७ धावा होत्या. त्यानंतर ९ धावा झाल्यानंतर म्हणजेच संघाच्या ७६ धावा झाल्या असताना श्रीलंकेच्या संघाला निशंकाच्या रुपात तिसरा झटका मिळाला. त्यानंतर मैथ्यूज टाइम आउटच्या नियमामुळे बाद झाला. लंकेने १३८ धावांवर पाच विकेट गमावले होते. त्यानंतर असलंकाने संघाची स्थिती सुधारली आणि शतकी खेळी केली. असलंकाने १०८ धावा करत संघाला मोठी धावसंख्या मिळवून दिली.