भारतीय क्रिकेट टीमची उप कर्णधार स्मृती मंदाना सध्या चांगलीच चर्चेत आहे.स्मृती मंदाना तिच्या वैयक्तिक आयुष्यामुळे चर्चेत आहे. तिचे पलाश मुच्छलसोबत लग्न मोडलं आहे. स्मृतीने स्वतः इन्स्टाग्रामवर पोस्ट करत माहिती दिली आहे. त्यानंतर आता स्मृती पुन्हा एकदा देशासाठी उभी राहिली आहे. ती सध्या आगामी क्रिकेट मॅचसाठी तयारी करताना दिसत आहे.

लग्न मोडल्याची माहिती (Smriti Mandhana Wedding Cancel Post)

स्मृतीने ८ डिसेंबर रोजी लग्न मोडल्याची माहिती दिली. यानंतर ती पुन्हा एकदा मैदानात दिसली आहे. ती ट्रेनिंग किट घालून फलंदाजी करताना दिसत आहे. वैयक्तिक आयुष्यातील दुःखाला बाजूला ठेवून स्मृतीने पुन्हा एकदा नव्याने सुरुवात केली आहे.

स्मृती मंदानाच्या भावाने श्रवण मंदानाने प्रॅक्टिस करतानाचा फोटो शेअर केला आहे. हा फोटो खूप जास्त व्हायरल होत आहे.यावरुन स्मृतीने आपले वैयक्तिक आणि प्रोफेशनल आयुष्य वेगवेगळं ठेवलं आहे.

स्मृतीने तिच्या वैयक्तिक आयुष्याबद्दल फार काही बोलणे टाळले आहे. तिने सांगितले की,भारतासाठी खेळणे हे तिचे प्राधान्य असणार आहे.त्यानंतर आता स्मृती पुन्हा एकदा मैदानात सज्ज झाली आहे. तिने पुढच्या मॅचसाठी तयारी करण्यास घेतली आहे. तिचा ट्रेनिंगदरम्यानचा फोटो सध्या सोशल मीडियावर व्हायरल होत आहे.

स्मृतीच्या आगामी मॅच (Smriti Mandhaa Upcoming Match)

स्मृती २१ ते ३० डिसेंबरदरम्यान होणाऱ्या श्रीलंका विरुद्ध टी २० सीरीजमध्ये खेळताना दिसत आहे. यानंतर जानेवारी-फेब्रुवारीमधील वुमन प्रीमियर लीग (WPL) २०२६ मध्येही खेळताना दिसणार आहे. ती रॉयल चॅलेंजर्स बंगळुरुची (Royal Challengers Bengluru) कॅप्टन आहे.