Palash Muchhal-Smriti Mandhana: पलाशने प्रपोजल व्हिडिओ केला डिलीट; नाराज चाहते म्हणाले, 'स्मृतीसाठी आम्ही तुला माफ करणार...'

Palash Muchhal-Smriti Mandhana: भारतीय महिला क्रिकेटपटू स्मृती मंधाना आणि गायिका-संगीतकार पलाश मुच्छल यांनी लग्न मोडल्याची घोषणा केली आहे. त्यांनी सोशल मीडियावर एकमेकांना अनफॉलो केले आहे आणि त्यांना पुढे जायचे आहे असे म्हटले आहे. ब्रेकअपनंतर पलाशने स्मृतीला केलेला प्रपोजल आणि विश्वचषकादरम्यान केलेली प्रशंसा पोस्ट त्याच्या इंस्टाग्राम हँडलवरून डिलीट केली. स्मृतीसोबतची पोस्ट डिलीट केल्यापासून, पलाशला सोशल मीडियावर ट्रोलिंगचा सामना करावा लागत आहे.

पलाशने स्मृतीसोबतच्या आठवणी केल्या डिलीट

रविवारी घटस्फोटाची लग्न मोडल्याची घोषणेनंतर, पलाश आणि स्मृती मंधाना यांनी इंस्टाग्रामवर एकमेकांना अनफॉलो केले आहे. पलाशने स्मृतीसोबतच्या काही जुन्या पोस्ट देखील डिलीट केल्या आहेत. पलाशने त्याच्या इंस्टाग्राम हँडलवरून विश्वचषकात स्मृतीचे कौतुक करणारी आण प्रपोज केलेली पोस्ट देखील काढून टाकली आहे. प्रपोजल व्हिडिओमध्ये, तो लग्नापूर्वी क्रिकेटच्या मैदानावर एका गुडघ्यावर स्मृतीला प्रेमाने प्रपोज करताना दिसत होता.

दुसरी पोस्ट विश्वचषक विजयानंतर स्मृतीचे कौतुक करणारी पोस्ट होती. परंतु पलाशने आता या दोन्ही पोस्ट डिलीट केल्या आहेत. पण, दोघांचे एकत्र काही जुने फोटो अजूनही पलाशच्या सोशल मीडिया हँडलवर आहेत.

युजर्सने पलाशला काय म्हटले?

युजर्स पलाशच्या सोशल मीडिया पोस्टवर राग काढत आहेत. एका युजरने लिहिले, "मला माहित नाही की स्मृतीने त्याला का माफ केले. तिने त्याच्यावर कायदेशीर कारवाई करायला हवी होती. ती त्याला खरोखर प्रेम करत होती, म्हणूनच ती काहीही बोलली नाही." दुसऱ्या युजरने लिहिले, "स्मृतीसाठी आम्ही तुला कधीच माफ करणार नाही." अनेक युजर्स पलाशला अनफॉलो करण्याची विनंतीही करत आहेत.

पलाश आणि स्मृतीचे लग्न का तुटले?

पलाश आणि स्मृतीच्या नात्याबद्दल बोलायचे झाले तर, बराच काळ डेटिंग केल्यानंतर, ते २३ नोव्हेंबर रोजी लग्न करणार होते. त्यांचे हळदी, मेहंदी आणि संगीत समारंभ आधीच झाले होते. लग्नाचा मंडपही सजवण्यात आला होता. तथापि, लग्नाच्या काही तास आधी, कपलने लग्न पुढे ढकलले. सुरुवातीला असे वृत्त होते की स्मृती मंधानाच्या वडिलांच्या आजारपणामुळे लग्न पुढे ढकलण्यात आले होते. पण, नंतर सोशल मीडियावर पलाशने स्मृतीला फसवले असल्याची चर्चा सुरु झाली. ज्यामुळे लग्न तुटले अशाही अफवा पसरल्या होत्या. तथापि, दोघांपैकी कोणीही लग्न का मोडल्याचे कारण सांगितले नाही.