होळी सणा निमित्त सोमवारी नांदेड शहरात महामूर्ख कवि संमेलन पार पडले. अनेक कविनी यात सहभाग घेतला होता. विशेष म्हणजे कार्यक्रमाचे उदघाट्न तृतीय पंथीयाच्या हस्ते गर्दभराजाला पुष्पहार टाकून करण्यात आले. धर्मभूषण दिलीप ठाकूर यांच्या पुढाकारातून मागील 26 वर्षा पासून या महोत्सवाचे आयोजन करण्यात येतं . द्विअर्थी कवि संमेलनाला नागरिकांनी मोठी गर्दी केली होती.
धुळवड निमित्ताने मटण आणि कोंबड्यांवर ताव मारला जातो,मात्र धुळवडच्या दिवशीच ग्रहण आल्याने त्याचा फटका कोंबड्या विक्रीला बसल्याचं पाहायला मिळतंय.. धूळवड निमित्ताने सांगलीत ठीक-ठिकाणी देशी कोंबड्याला मोठी मागणी असते, कोंबड्यांचे दर देखील मटणापेक्षा अधिक आहेत... पाचशे रुपये पासून तब्बल 1500 पर्यंत कोंबड्यांचा दर आहे.. मात्र धुळडच्या दिवशीच ग्रहण आल्याने कोंबड्या खरेदीकडे ग्राहकांनी पाठ फिरवल्याने, त्याचा फटका कोंबड्या विक्रीवर झाल्याचे पाहायला मिळतंय.. विटा या ठिकाणी चौका चौकात कोंबड्या विक्रीसाठी मोठ्या प्रमाणात विक्रेते दाखल झाले होते, मात्र कोंबड्या खरेदीला ग्राहकांनी पाठ केली आहे.
नागपूरातील नंदनवन परिसरात होळीचा मोठा उत्साह....
गुलाबाच्या फुलांची होळी खेळत नागपुरकरांनी होळी सणाचा घेतला आनंद
रासायनिक रंग न वापरता पर्यावरण पुरक होळीसाठी फुलांची पाकळ्या करून पर्यावरण पूरक हॉलिबद्दल जनजागृती
फुलांच्या होळीत महिला, ज्येष्ठ नागरिक आणि विद्यार्थ्यांचाही सहभाग
रासायनिक रंग न वापरण्याचं आवाहन अमलात आणून फुलांच्या पाकळ्यांची उधळण...
फुलांची होळी खेळत सर्वत्र गुलाबाच्या पाकळ्यांची चादर, फुलांचा नैसर्गिक रंगात होळी खेळत पाण्याची बचतीचाहाही दिला संदेश...
कोकणात शिंमगोत्सवाची धूम
मोठ्या संख्येने कोकणवासीय शिंमगोत्सवासाठी कोकणात दाखल
रत्नागिरीचे ग्रामदैवत श्री देवभैरी च्या शिमगोत्सवाला सुरुवात
ग्रामदेवतेच्या भेटीसाठी आसपासच्या गावातील पालख्या श्री देवभैरी मंदिरात
रत्नागिरीच्या ग्रामदैवत श्रीदेवभैरीचे उद्योगमंत्री उदय सामंत यांनी घेतले मनोभावे दर्शन
मराठा आरक्षण आंदोलना नंतर आता जरांगे पाटील शेतकरी कर्जमाफीसाठी आणि हमीभावासाठी रस्त्यावर उतरणार आहेत. तशी घोषणा जरांगे यांनी करमाळ्यात बोलताना केली आहे.
शेतकर्यांनी आंदोलनासाठी एकत्र आले पाहिजे. तुमचे कर्ज ठेवत नाही. शेतीमालाला आणि दूधाला हमीभाव कसा मिळत नाही ते मी पहातो. पीक विमा सुध्दा मिळवून देतो. तुम्ही फक्त चल म्हटलं की माझा सोबत आलं पाहिजे. शेतकर्यांनी आंदोलनासाठी सज्ज राहावे असे आवाहन ही जरांगे यांनी केले आहे.
त्र्यंबकेश्वर मंदिरात भाविकांना मारहाण प्रकरणात पोलीसांची सुमोटो कारवाई
मारहाण करणाऱ्या त्र्यंबकेश्वर मंदिराच्या सुरक्षारक्षकांविरोधात गुन्हा दाखल
पप्पू आचारी, तुकाराम बुरुंगे यांच्यासह अन्य 4 सुरक्षारक्षांविरोधात त्र्यंबकेश्वर पोलीस ठाण्यात गुन्ह्याची नोंद
एका भाविकाला सुरक्षारक्षकांच्या टोळक्याने कपडे फाडत लाथा बुक्क्यांनी केली होती मारहाण
जिल्हाधिकाऱ्यांच्या आदेशानुसार मंदिर संस्थानच्या मनमानी कारभाराची प्रांताधिकाऱ्यांमार्फतही सुरू करण्यात आलीय चौकशी
एसबीएल आयुध कारखाना स्फोट प्रकरणात पोलीसांकडून 11 आरोपींना अटक ..
मालक आलोक चौधरी फरार ...
पोलीसांच्या तीन पथकांकडून अलोक चौधरीचा शोध सुरु ..
या प्रकरणात आतापर्यंत 19 कामगारांचं मृत्यू झाला असून 22 कामगार गंभीर जखमी आहे. त्यात 12 जखमींची प्रकुर्ती गंभीर आहे.
सांगली महापालिकेची पहिल्याच महासभा प्रचंड वादळी ठरली. पहिल्याच पार पडलेल्या सभेत सर्वपक्षीय नगरसेवकांनी अधिकाऱ्यांना धारेवर धरले.. शहरातल्या स्वच्छता, पाणी पुरवठा, उद्यानांची दुरवस्था, ड्रेनेज योजना, आणि एलइडी प्रकल्पासह प्रशासकीय काळातील कारभारावरून अधिकारयांना चांगलेचं धारेवर धरले. तर प्रशासकीय काळात महासभा घेऊन करण्यात आलेले ठराव रद्द करण्याची जोरदार मागणी देखील महासभेत करण्यात आली.. यावर महापौर धीरज सूर्यवंशी यांनी याबाबत पडताळणी करून बेकायदेशीर असणारे ठराव विखंडित करण्याचा प्रस्ताव राज्य शासनाकडे पाठवण्यात येईल असा आश्वासन या सभेमध्ये दिले.तसेच एलइडी बाबत महापौरांच्या अध्यक्षतेखाली समिती नियुक्त करण्याचा निर्णय महासभेत घेण्यात आला.
धुलीवंदना निमित्त आज बाजारपेठेत रंग घेण्याकरिता गर्दी फुललेली आहे बच्चे कंपनी तथा पुरुष व महिलांनी सुद्धा रंग घेण्याकरिता गर्दी केलेली आहे महागाई जरी वाढलेली असेल तरी धुलीवंदन या सणावर काही फरक पडलेला नाही रंग गुलाल घेणाऱ्याकरिता बाजारपेठेत गर्दी फुलून दिसली आहे.
अमरावतीच्या माजी खासदार भाजप नेत्या नवनीत राणा यांनी मेळघाट दौऱ्यादरम्यान आदिवासी बांधवांसोबत पारंपरिक पद्धतीने होळी साजरी केली.यावेळी त्यांनी आदिवासी महिलांसोबत आदिवासी नृत्य करत सणाचा आनंद लुटला.मेळघाटातील गावांमध्ये होळी निमित्त विविध सांस्कृतिक कार्यक्रमांचे आयोजन करण्यात आले होते.आदिवासी महिलांनी पारंपरिक गोंड आणि कोरकू नृत्य सादर केले. त्यामध्ये माजी खासदार नवनीत राणा यांनीही उत्स्फूर्त सहभाग घेत आदिवासी बांधवासोबत आदिवासी नृत्यावर ठेका धरला.
रमाबाई भीमराव आंबेडकर यांच्या 128 व्या जयंतीचे औचित्य साधून रमाई सेवाभावी संस्थेतर्फे 'रमाईची लेक' पुरस्कार सोहळा 2026 पार पडला. यावेळी पालकमंत्री जयकुमार गोरे यांच्या हस्ते विविध क्षेत्रांत उल्लेखनीय कार्य करणाऱ्या महिलांचा सन्मान करण्यात आला.रमाई सेवाभावी संस्थेच्या वतीने आयोजित या कार्यक्रमात प्रशासन, पोलीस दल, शिक्षण, सामाजिक कार्य, उद्योग, कला, क्रीडा राजकीय आणि पत्रकारिता अशा विविध क्षेत्रांत उल्लेखनीय कार्य करणाऱ्या महिलांना ‘रमाईची लेक’ या पुरस्काराने सन्मानचिन्ह आणि मानपत्र देऊन गौरविण्यात आलं.या पुरस्कार सोहळ्यामुळे समाजात कार्यरत असलेल्या कर्तृत्ववान महिलांचा गौरव झाला असून, अनेकांना प्रेरणा देणारा हा कार्यक्रम ठरला आहे.
जवळचे पैसे संपल्याने राहण्याची आणि खाण्याची अडचण होत असून आम्हाला भारत सरकारने भारतात येण्याची सोय करावी ज्येष्ठ नागरिकांची विनंती
धाराशिवच्या उमरगा येथील दोन जोडपे युद्धजन्य परिस्थितीमुळे अडकले दुबईत
केंद्र सरकारने विशेष विमानांची सोय करुन आम्हाला भारतात आणवे, उमरग्यातील अडकलेले पर्यटक दळगडे व माशाळकर कुटुंबीयांची मागणी
धाराशिव जिल्ह्यातील उमरगा येथील आदर्श विद्यालयाचे माजी मुख्याध्यापक शिवानंद दळगडे आणि शिवानंद माशाळकर हे आपल्या पत्नीसह पर्यटनासाठी दुबईला गेले असताना तेथील युद्धजन्य परिस्थितीमुळे अडकून पडले आहेत
पर्यटनासाठी गेलेले ज्येष्ठ नागरिक 1 मार्चला परतणार होते भारतात मात्र दुबईतून विमानांची उड्डाणे रद्द करण्यात आली
आज सकाळी ६ ते दुपारी ३ या वेळेत पुणे मेट्रो राहणार बंद
दुपारी ३ ते रात्री ११ या वेळेत पुणे मेट्रोची प्रवासी सेवा नियमित सुरू राहील
दुपारी तीन नंतर प्रवाशांना मेट्रो ने प्रवास करता येणार आहे
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
