RR vs RCB Playing XI Prediction And Match Details:

आयपीएल २०२४ स्पर्धेत आज होणाऱ्या सामन्यात राजस्थान रॉयल्स आणि रॉयल चॅलेंजर्स बंगळुरू हे दोन्ही संघ आमने सामने येणार आहेत. हा सामना जयपूरच्या सवाई मानसिंग स्टेडियममध्ये रंगणार आहे. राजस्थान रॉयल्स संघाने या मैदानावरील सर्व सामने जिंकले आहेत. तर दुसरीकडे रॉयल चॅलेंजर्स बंगळुरू संघाला ४ पैकी ३ सामन्यांमध्ये पराभवाचा सामना करावा लागला आहे. त्यामुळे रॉयल चॅलेंजर्स बंगळुरूचा संघ कुठल्याही परिस्थितीत विजय मिळवण्याच्या प्रयत्नात असणार आहे. दरम्यान कोणता संघ बाजी मारणार? जाणून घ्या.

राजस्थान रॉयल्सचा संघ सध्या तुफान फॉर्ममध्ये आहे. या संघाने ३ सामने खेळले आहेत. या तिन्ही सामन्यांमध्ये विजय मिळवला आहे. राजस्थान रॉयल्सने पहिल्या सामन्यात लखनऊ सुपर जायंट्स संघावर २० धावांनी विजय मिळवला. तर दुसऱ्या सामन्यात दिल्ली कॅपिटल्सवर १२ धावांनी विजय मिळवला आणि तिसऱ्या सामन्यात मुंबई इंडियन्स संघाला ६ गडी राखून पराभूत केलं. (Cricket news in marathi)

तर दुसरीकडे रॉयल चॅलेंजर्स बंगळुरू संघाला हवी तशी कामगिरी करता आलेली नाही. या संघाने आतापर्यंत ४ सामने खेळले आहेत. या ४ पैकी ३ सामने गमावले आहेत आणि एका सामन्यात विजय मिळवला आहे. त्यामुळे रॉयल चॅलेंजर्स बंगळुरू संघ कुठल्याही परिस्थितीत हा सामना जिंकण्याच्या प्रयत्नात असणार आहे.

असा राहिलाय दोन्ही संघांचा हेड टू हेड रेकॉर्ड..

आयपीएल स्पर्धेच्या इतिहासात दोन्ही संघ ३० वेळेस आमने सामने आले आहेत. यादरम्यान राजस्थान रॉयल्स संघाचा पारडं जड राहिलं आहे. या संघाने १५ वेळेस बाजी मारली आहे. तर रॉयल चॅलेंजर्स बंगळुरू संघाला १२ सामने जिंकता आले आहेत. तर ३ सामने अनिर्णीत राहिले आहेत.