RCB vs LSG : मयंक यादव ठरला आरसीबीचा 'कर्दनकाळ'; घरच्या मैदानात बेंगळुरुचा २८ धावांनी पराभव

RCB vs LSG : आयपीएलच्या १५ व्या सामन्यात रॉयल चॅलेंजर्स बेंगळुरू संघाला लखनऊ सुपर जायंट्सकडून पराभव स्वीकारावा लागला. आपल्याच घरच्या मैदानात आरसीबीला २८ धावांनी पराभव स्वीकारावा लागलाय. बेंगळुरू संघाचा ४ सामन्यांमधला हा तिसरा पराभव आहे
RCB vs LSG
RCB vs LSG x

Royal Challengers Bengaluru vs Lucknow Super Giants :

आयपीएलच्या १५ वा सामना रॉयल चॅलेंजर्स बेंगळुरू लखनऊ सुपर जायंट्समध्ये झाला. लखनऊ सुपरजायंट्स संघाने दिलेल्या १८२ धावांचा पाठलाग करताना बेंगळुरू संघाच्या नाकीनऊ आले. अख्खा संघ फक्त १५३ धावा करू शकला. लखनऊ सुपर जायंट्सने बेंगळुरू संघाला त्यांच्या घरच्या मैदानात २८ धावांनी पराभूत केलं. लखनऊच्या या विजयाचा हिरो ठरला वेगवान गोलंदाज मयंक यादव. मयंकने १४ धावा देत ३ बळी घेतले. बेंगळुरू संघाचा ४ सामन्यांमधला हा तिसरा पराभव आहे.तर लखनऊने ३ सामन्यात दुसरा विजय नोंदवला. (Latest News)

एम चिन्नास्वामी स्टेडियमवर झालेल्या या सामन्यात रॉयल चॅलेंजर्स बंगळुरूने नाणेफेक जिंकली. कर्णधार फाफ डू प्लेसिसने प्रथम गोलंदाजी निवडत लखनऊ सुपर जायंट्स संघाला प्रथम फलंदाजी करण्याचं आमंत्रण दिलं.लखनऊ य संधीचा फायदा घेत बेंगळुरू समोर २० षटकांत ५ विकेट गमावत १८१ धावा करत १८२ धावांचे आव्हान ठेवले. आरसीबीकडून ग्लेन मॅक्सवेलने २३ धावा देत २ विकेट घेतल्या. रीस टॉपले, यश दयाल आणि मोहम्मद सिराज यांनी १-१ बळी घेतला.

लखनऊने दिलेल्या आव्हानाचा पाठलाग करताना बेंगळुरु संघाची पूर्ण शक्ती पणाला लागली, परंतु आरसीबीला धावांचा डोंगर पार करता आला नाही. बेंगळुरूचा अख्खा संघ फक्त १५३ धावा करू शकला. आरसीबीकडून फलंदाजी करताना महिपाल लोमररने १३ चेंडूत सर्वाधिक ३३ धावा केल्या. रजत पाटीदारने २९ आणि विराट कोहलीने २२ धावा केल्या. लखनऊकडून गोलंदाजी करताना मयंक यादवने ३ विकेट घेतल्या. त्यानंर नवीन उल हकने २ बळी घेतले.मार्कस स्टॉइनिस आणि मणिमरन सिद्धार्थने १-१ विकेट घेतल्या.

प्रथम फलंदाजी करताना लखनऊ सुपरजायंट्सच्या सलामीवीर केएल राहुल आणि क्विंटन डीकॉकने चांगली सुरुवात केली. दोघांनी मिळून ५३ धावा जोडल्या. केएल राहुल २० धावा करत माघारी परतला. क्विंटन डीकॉकने ५६ चेंडूत तुफानी खेळी करत ८ चौकार आणि ५ षटकारा मारत ८१ काढल्या. त्यानंतर मार्कस स्टोइनिसने २४ धावांचे बहुमुल्य योगदान दिलं. या दोघा-तिघांच्या फलंदाजीनंतर निकोसल पुरनने धमाकेदार फलंदाजी करत लखनऊच्या प्रेक्षकांना दिलखुलास आनंद दिला. पुरनने या डावात २१ चेंडूंचा सामना करत ४० धावांची खेळी केली.

RCB vs LSG
Nicholas Pooran Six: पुरनने खेचला IPL 2024 स्पर्धेतील सर्वात लांब षटकार! चेंडू थेट मैदानाबाहेर- Video

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com