Oil Tanker: भारताला मोठा दिलासा! ईराणी 'चक्रव्यूह'ला भेदून मुंबईत पोहचलं कच्च्या तेलाचे पहिले जहाज; पाहा VIDEO
Oil Tanker Reach MumbaiSaam Tv

Oil Tanker: भारताला मोठा दिलासा! ईराणी 'चक्रव्यूह'ला भेदून मुंबईत पोहचलं कच्च्या तेलाचे पहिले जहाज; पाहा VIDEO

Oil Tanker Reach Mumbai: आखाती देशांमध्ये सुरू असलेल्या युद्धादरम्यान इराणवरून कच्च्या तेलाचे पहिले जहाज मुंबईत दाखल झाले. हे जहाज १,३५३,३५ मेट्रिक टन कच्चे तेल मुंबईत घेऊन आले आहे.
Published on

Summary:

  • होर्मुझ सामुद्रधुनी पार करून मुंबईत कच्च्या तेलाचे जहाज दाखल

  • मध्यपूर्व युद्धादरम्यान भारतात तेलाचे पहिले जहाज पोहचलं

  • धोकादायक जलमार्ग पार करून तेल टँकर भारतात

मध्यपूर्वेत सुरू असलेल्या युद्धादरम्यान भारताला मोठा दिलासा मिळाला आहे. सौदी अरेबियातून कच्च्या तेलाची वाहतूक करणारे पहिले जहाज सुरक्षितपणे मुंबईमध्ये पोहचले. या जहाजाने होर्मुझची सामुद्रधुनी ओलांडली आणि भारतात दाखल झाले त्यामुळे आता इंधन पुठव्याबाबतची चिंता कमी झाली. लायबेरियाचा ध्वज असलेले हे जहाज धोकादायक जलमार्गातून सुरक्षितपणे मुंबई बंदरावर दाखल झाले. भारतीय कॅप्टनच्या नेतृत्वाखाली हे जहाज तणावपूर्ण परिस्थितीमध्ये भारतात आले.

शेनलाँग सुएझमॅक्स नावाच्या या जहाजाने १ मार्च रोजी सौदी अरेबियाच्या रास तनुरा बंदरावर कच्चे तेल भरले आणि ३ मार्च रोजी हे जहाज या बंदरावरून निघाले. लॉयड्स लिस्ट इंटेलिजेंस अँड टँकर ट्रॅकर्स या सागरी डेटा फर्म्सच्या मते, ८ मार्च रोजी त्याचे शेवटचे स्थान होर्मुझच्या सामुद्रधुनीत होते. त्यानंतर जहाज रडारवरून गायब झाले होते. धोक्याच्या क्षेत्रातून जाताना शोध टाळण्यासाठी जहाजाने त्याचे ट्रान्सपॉन्डर आणि एआयएस (ऑटोमॅटिक आयडेंटिफिकेशन सिस्टम) बंद केल्याचे सूत्रांचे म्हणणे आहे. ९ मार्च रोजी ते ट्रॅकिंग डेटाबेसमध्ये सुरक्षितपणे पुन्हा दिसले.

Oil Tanker: भारताला मोठा दिलासा! ईराणी 'चक्रव्यूह'ला भेदून मुंबईत पोहचलं कच्च्या तेलाचे पहिले जहाज; पाहा VIDEO
Iran Israel Conflict : इराणच्या एका क्षेपणास्त्रात ८० बॉम्ब, इस्रायलवर मोठा प्रहार, क्लस्टर बॉम्ब नेमका काय आहे?

बंदर अधिकाऱ्याने सांगितले की, हे जहाज बुधवारी दुपारी १ वाजता मुंबईत पोहोचले. संध्याकाळी ६:०६ वाजता ते बंदरात उतरले. हे जहाज १,३५३,३५ मेट्रिक टन कच्चे तेल मुंबईत घेऊन आले आहे. ते जवाहर बेटावर उभे करण्यात आले आहे आणि अनलोडिंग ऑपरेशन्स सुरू झाले आहे. जे पूर्ण होण्यासाठी अंदाजे ३६ तास लागतील.

इराणवरून आलेले कच्चे तेल पूर्व मुंबईतील माहूल येथील रिफायनरीजमध्ये पाठवले जाईल. या जहाजावर २९ भारतीय, पाकिस्तानी आणि फिलिपिनो क्रू मेंबर्स आहेत. त्याचा कॅप्टन भारतीय वंशाचा सुशांत सिंग संधू आहे. हे जहाज शेनलाँग शिपिंग लिमिटेडच्या मालकीचे आहे. तर अथेन्सस्थित कंपनी डायनाकॉम टँकर्स मॅनेजमेंटद्वारे हे जहाज चालवले जाते.

Oil Tanker: भारताला मोठा दिलासा! ईराणी 'चक्रव्यूह'ला भेदून मुंबईत पोहचलं कच्च्या तेलाचे पहिले जहाज; पाहा VIDEO
Edible Oil Price Hike: युद्धामुळे सर्वसामान्यांच्या घरात उडाला भडका, खाद्यतेलाच्या किंमतीत १२५ रुपयांनी वाढ

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News | Saam TV
saamtv.esakal.com