गतविजेत्या सातारा सिंघम्स (जय जवान गोविंदा) संघाने प्रो गोविंदा लीग सीझन 2 च्या अंतिम फेरीत कोल्हापूर किंग्स (बलवीर गोविंदा) संघाला पराभूत करीत विजेतेपदासह २५ लाख रुपयांचे पारितोषिक जिंकले. मुंबईतील डोम, एस्व्हीपी स्टेडियमवर बहुप्रतीक्षित प्रो गोविंदा लीग सीझन 2 च्या सातारा सिंघम्स (जय जवान गोविंदा) आणि कोल्हापूर किंग्स (बलवीर गोविंदा) यांच्यामधील अंतिम फेरी विलक्षण रंगतदार झाली. वेळेच्या विरुद्धच्या शर्यतीत दोन्ही संघांचा एकामागून एक सामना झाला, केवळ त्यांच्या प्रभावी ऍथलेटिक क्षमतेचेच नव्हे तर उत्कृष्ट मानवी पिरॅमिड तयार करणारे त्यांचे अतूट सांघिक कार्य देखील प्रदर्शित केले गेले. अखेर गतविजेत्या सातारा सिंघम्स (जय जवान गोविंदा) विजय मिळविला. कोल्हापूर किंग्स (बलवीर गोविंदा) उपविजेते म्हणून १५ लाख रुपयांचे बक्षीस मिळाले.

या अंतिम फेरीने सांस्कृतिकदृष्ट्या समृद्ध क्रीडा इव्हेंटसाठी एक नवीन व्यासपीठ उपलब्ध झाले. आमदार प्रताप सरनाईक, प्रो गोविंदा लीगचे संस्थापक व अध्यक्ष, प्रो गोविंदा लीगचे अध्यक्ष पूर्वेश सरनाईक, प्रो गोविंदा लीगचे संचालक मजहर नाडियादवाला, प्रो गोविंदा लीगचे संचालक मोहम्मद मोरानी आणि विहंग सरनाईक यांच्यासह मान्यवर नेते यावेळी उपस्थित होते. स्टार स्पोर्ट्सने अधिकृत ब्रॉडकास्टर म्हणून काम केले, लीगचे प्रोफाइल उंचावले आणि टेलिव्हिजन स्क्रीनवर देशभरातील लाखो चाहत्यांचे लक्ष केंद्रित केले. या कार्यक्रमाने गोविंदांच्या अतुलनीय कौशल्यांचे प्रदर्शन केले आणि सांस्कृतिक अभिमानाची भावना वाढवली.

या कार्यक्रमात चार गटांमध्ये सोळा मातब्बर संघ सहभागी झाले होते. प्रत्येक गट टप्प्यातील सामना हा सहभागी संघांच्या कौशल्याचा आणि रणनीतीचा पुरावा होता आणि प्रेक्षकांसाठी रंजक ठरला. उपांत्यपूर्व फेरीत उच्च कौशल्यासह प्रतिभा आणि दृढनिश्चय यांचे रोमांचकारी प्रदर्शन होते. पहिल्या उपांत्यपूर्व फेरीत, ठाणे टायगर्स (आर्यन्स गोविंदा) यांचा सामना कोल्हापूर किंग्ज (बलवीर गोविंदा) यांच्याशी अत्यंत चुरशीच्या लढतीत खेळला गेला. कोल्हापूर किंग्जने अपवादात्मक कौशल्य आणि रणनीतीचा प्रत्यय घडविला आणि विजय मिळवला

दुसऱ्या सामन्यात लातूर लिजेंड्स (यश गोविंदा) यांचा कोकण जायंट्स (कोकण नगर गोविंदा) विरुद्ध सामना होता, दोन्ही बाजूंनी सामना जिंकण्यासाठी त्यांच्या वचनबद्धतेचे प्रदर्शन केले. अखेर लातूर संघाने विजयश्री संपादन केली. सातारा सिंघम (जय जवान गोविंदा) मध्य मुंबई (ओम ब्रह्मांड साई गोविंदा) यांच्याशी भिडल्याने उत्साह कायम राहिला, तर पश्चिम मुंबई (हिंदमाता गोविंदा) अलिबाग नाइट्स (श्री अग्रेश्वर गोविंदा) विरुद्ध स्पर्धा करत, प्रत्येक सामना संघांच्या समर्पण आणि वचनबद्धतेवर प्रकाश टाकत होता.

उपांत्य फेरीत विलक्षण चुरस निर्माण झाली होती. पहिल्या उपांत्य फेरीत कोल्हापूर किंग्ज (बलवीर गोविंदा) आणि लातूर लिजेंड्स (यश गोविंदा) यांच्यात सामना झाला. अपवादात्मक सांघिक कार्य आणि रणनीतीसह, किंग्जने अंतिम फेरीत आपले स्थान निश्चित केले. दुसऱ्या उपांत्य फेरीत, सातारा सिंघम (जय जवान गोविंदा) अलिबाग नाईट्स (श्री अग्रेश्वर गोविंदा) विरुद्ध आमनेसामने गेले. मजबूत रचना आणि सामरिक पराक्रमासाठी ओळखले जाणाऱ्या कौशल्याच्या जोरावर सातारा सिंघम विजयी झाले आणि त्यांनी एका रोमांचक अंतिम लढतीसाठी स्थान निश्चित केले.

लातूर लिजेंड्स (यश गोविंदा) आणि अलिबाग नाईट्स (श्री अग्रेश्वर गोविंदा) यांनी अनुक्रमे दुसऱ्या व तिसऱ्या क्रमांकासाठी ठेवलेले दहा लाख व पाच लाख रुपयांचे बक्षीस पटकावले. लीगच्या अंतिम फेरीला महाराष्ट्राचे मुख्यमंत्री एकनाथ शिंदे, लोकसभेचे सदस्य डॉ. श्रीकांत एकनाथ शिंदे, आणि राज्यसभेचे खासदार मिलिंद देवरा आणि इतर अनेक मान्यवर उपस्थित होते. त्यांच्या उपस्थितीने कार्यक्रमाचे महत्त्व अधोरेखित केले आणि त्याची भव्यता आणि प्रतिष्ठा वाढली.

या कार्यक्रमात प्रसिद्ध बॉलीवूड गायक आणि अलिबाग नाईट्स संघाचे मालक मिका सिंग, बॉलीवूड अभिनेता जॅकी भगनानी, प्रसिद्ध टेलिव्हिजन अभिनेते अर्जुन बिजलानी (पुणे पँथर्स संघाचे मालक) आणि करणवीर बोहरा, यासह सेलिब्रिटीज देखील उपस्थित होते. आणि प्रसिद्ध मीट ब्रॉस जोडीतील प्रसिद्ध संगीतकार श्री हरमीत सिंग (पुणे पँथर्स संघाचे मालक), बॉलीवूड अभिनेत्री आणि मॉडेल महिमा चौधरी, बॉलवूड गायक आणि संगीतकार अरविंदर सिंग यांच्यासह अनेक मान्यवर उपस्थित होते.