प्रो कबड्डी २०२४ स्पर्धेच्या लिलावाला सुरुवात झाली आहे. या लिलावाच्या पहिल्या दिवशी खेळाडूंवर मोठी बोली लागली. पहिल्याच दिवशी फ्रेंचायझींनी स्टार खेळाडूंना आपल्या संघात घेण्यासाठी पैसा ओतला. सचिन पासून ते पवन सेहरावत यांच्यावर कोट्यवधींची बोली लागली. दरम्यान कोण आहेत पहिल्या दिवशी सर्वात मोठी बोली लागलेले खेळाडू? जाणून घ्या.
सचिन या लिलावातील सर्वात महागडा खेळाडू ठरला आहे. तेलुगूने पहिलीच बोली ७० लाखांची लावली. त्यानंतर गुजरात आणि युपीने देखील सचिनला आपल्या संघात घेण्यासाठी पूर्ण जोर लावला. बोली वाढता वाढता इतकी वाढली की, ती जाऊन २ कोटींवर पोहोचली. शेवटी तमिळ थलाईवाजने त्याला २.१५ कोटी मोजत आपल्या संघात स्थान दिलं.
इराणचा अष्टपैलू खेळाडू मोहम्मदरेजा शादलूला हरियाना स्टिलर्सने आपल्या ताफ्यात स्थान दिलं आहे. या संघाने त्याला २.०७ लाखांची बोली लावत आपल्या संघात स्थान दिलं. गेल्या हंगामात त्याच्यावर २.३५ कोटींची बोली लावण्यात आली होती. या लिलावात बोली लागलेला तो पहिलाच खेळाडू ठरला. त्याला आपल्या संघात स्थान देण्यासाठी जवळपास सर्वच संघांमध्ये स्पर्धा रंगली. शेवटी हरियाना स्टिलर्सने बाजी मारली आणि त्याला आपल्या संघात स्थान दिलं.
गुमान सिंगला गुजरात जायंट्सने १.९७ कोटींची किंमत मोजत आपल्या संघात स्थान दिलं आहे. गुमान सिंगला आपल्या संघात घेण्यासाठी जयपूर पिंक पँथर्स आणि गुजरात जायंट्स यांच्यात चांगलीच स्पर्धा रंगली. शेवटी त्याच्यावर १.९७ कोटींची बोली लागली. त्याने आतापर्यंत खेळलेल्या १८ सामन्यांमध्ये १६३ गुणांची कमाई केली आहे.
गेल्या हंगामात पवन सेहरावतवर यावेळीही मोठी बोली लागली होती. या लिलावात त्याला तेलुगू टायटन्सने १.७२५ कोटी मोजत आपल्या संघात स्थान दिलं होतं. मात्र तेलगूने FBM चा वापर करत त्याला पुन्हा एकदा आपल्या संघात घेतलं.
भरत हुड्डाला आगामी हंगामासाठी युपी योद्धाने आपल्या संघात स्थान दिले आहे. त्याला १.३ कोटींची बोली लावत संघात स्थान देण्यात आले आहे. त्याने गेल्या हंगामात १०३ गुणांची कमाई केली होती.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.