MS Dhoni IPL 2025 : आयपीएलमध्ये ५ ट्रॉफी जिंकणाऱ्या महेंद्रसिंह धोनीने इम्पॅक्ट प्लेयर रुलवर आपले मत नोंदवले आहे. २०२३ मध्ये इन्पॅक्ट प्लेयरचा नियम लागू करण्यात आला. तेव्हापासून हा नियम वादाच्या भोवऱ्यात आहे. या नियमामुळे सामन्यात जास्त धावसंख्या होत असल्याचे अनेकांचे मत आहे. या एकूण प्रकरणावर माहीने आपली बाजू मांडली आहे.

जिओहॉटस्टारवर The MSD Inspiration या कार्यक्रमामध्ये एमएस धोनी म्हणाला, 'ज्या वेळेस इम्पॅक्ट प्लेयरचा नियम लागू करण्यात आला, तेव्हा त्याची गरज नव्हती असा विचार माझ्या मनात आला होता. मी अजूनही विकेटकीपिंगच करतो, त्यामुळे मी इन्पॅक्ट प्लेयर नाहीये. मला क्षेत्ररक्षणासाठी मैदानात यावंच लागतं.'

इम्पॅक्ट प्लेयर नियमामुळे आयपीएलमध्ये मोठी धावसंख्या होत आहे, असा बऱ्याच लोकांचा समज आहे. खेळाडूंचे रिलॅक्स माइंडसेट आणि मैदानातील परिस्थिती यामुळे मोठी धावसंख्या करणे शक्य होत आहे, असे मला वाटते. एक अतिरिक्त खेळाडूमुळे इतक्या धावा करत नाहीये, असे महेंद्रसिंह धोनी म्हणाला आहे.

ही एक मानसिकता आहे. आपल्याकडे एक अतिरिक्त फलंदाज आहे, यामुळे संघ टेन्शनफ्री असतात. या नियमामुळे संघातील खेळाडूंचा आत्मविश्वासही वाढतो आणि ते कसलंही टेन्शन न घेता रिलॅक्स माइंडसेटने खेळतात. मोठी धावसंख्या ही खेळाडूंच्या मानसिकतेमुळे होते. असे वक्तव्य माहीने केले आहे. दरम्यान रविवारी (२३ मार्च) झालेल्या मुंबई विरुद्ध चेन्नई सामन्यात चेन्नईचा विजय झाला होता. पण चेन्नईच्या विजयापेक्षा धोनीच्या स्टेंपिंगची चर्चा झाली होती.