Blood Pressure : झोपण्यापूर्वी ३ तास आधी जेवण कराच, BP अन् आणि शुगर राहील कंट्रोलमध्ये; नव्या संशोधनातून महत्त्वाची माहिती

सध्या ऑफिसच्या वेळा या बऱ्याच ठिकाणी 'Flexible' आहेत. काहींना दिवसा किंवा रात्री दोन्ही वेळेस कामाला जावं लागतं. त्यामुळे दिवसभरातलं तुमच्या खाण्या-पिण्याचं वेळापत्रक बदलू शकतं. आपण आपल्या सोयीनुसार जेवतो. म्हणजेच कसल्याच वेळा पाळत नाही. त्याने शरीरावर मोठ्या प्रमाणात बदल होऊ शकतो. विशेषत: यामध्ये ब्लड प्रेशरच्या रुग्णांना त्रास होतो.

WHOच्या रिपोर्टनुसार जगभरातलो लाखो लोक हे हाय ब्लड प्रेशरने ग्रस्त आहे. त्यात डायबेटीजच्या रुग्णांची संख्या ८३ टक्के इतकी आहे. यासगळ्यामध्ये फक्त खाण्याची वेळ नाही तर, अयोग्य आहार, चुकीच्या वेळेला झोपणं, एका जागी बसून राहिल्यामुळे होणारा लठ्ठपणा, व्यायाम टाळणं अशा समस्याही याला कारणीभूत ठरत आहेत.

हाय ब्लड प्रेशर आणि डायबेटीच्या रुग्णांनी योग्य औषधं घेऊन त्यावर नियंत्रण मिळवणं आत्ता सोपं झालंय. पण फक्त गोळ्या- औषधांनी त्यावर नियंत्रण मिळवता येत नाही. त्यासाठी तुमच्या जेवणाची वेळ खूप कारणीभूत ठरते. असं तज्ज्ञांनी सांगितलं आहे. त्यामुळे या रुग्णांनी जेवणाच्या आणि नाश्त्याच्या वेळेत बदल केला पाहिजे. मगच औषधं घेतली पाहिजेत. कारण यासगळ्यामध्ये तुमची पचनक्रिया आणि वेळ खूप महत्वाची असते.

तज्ज्ञांच्या मते, ३६ ते ७५ वयोगटातल्यांमध्ये लठ्ठपणा किंवा मेटाबॉलिक समस्यांचा धोका वाढलेला आहे. असं संशोधनात समोर आलं. त्यामध्ये जेव्हा तुम्ही रात्री लवकर जेवता आणि रात्री ११ ते १३ जेवणात गॅप ठेवता तेव्हा तुमच्या रक्तदाब कमी होतो. हा रक्तदाब साधारण ३.५ टक्क्यांनी कमी होतो. त्यामुळे झोपेच्या ३ तास आधी जेवा. तसेच ब्लड शुगर नियंत्रण आणि इन्सुलिन कार्यक्षमता सुधारल्याचंही संशोधनात समोर आलं आहे. तुम्ही तुमच्या जेवणात आणि नाश्त्याच्या वेळेत थोडे फार बदल करुन नक्कीच चांगले परिणाम मिळवू शकता.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.