आयपीएल २०२५ स्पर्धा सुरु होण्यापूर्वी सनरायझर्स हैदराबाद संघासाठी आनंदाची बातमी समोर आली आहे. संघातील अष्टपैलू खेळाडू नितीश रेड्डी पूर्णपणे फिट असून संघात कमबॅक करण्यासाठी सज्ज झाला आहे.

ही सनरायझर्स हैदराबादच्या फॅन्ससाठी आनंदाजी बातमी आहे. त्याचा सध्याचा फॉर्म पाहता आगामी हंगामात तो आपल्या फलंदाजीने आणि गोलंदाजीने विरोधी संघासाठी डोकेदुखी ठरु शकतो. गेल्या हंगामातही त्याने दमदार कामगिरी केली होती.

नितीश रेड्डीला भारत आणि ऑस्ट्रेलिया यांच्यात झालेल्या कसोटी मालिकेदरम्यान भारतीय संघात संधी देण्यात आली होती. या मालिकेत त्याच्या फलंदाजीचा बोलबाला पाहायला मिळाला होता. त्यानंतर तो दुखापतग्रस्त झाला होता.

गेल्या काही दिवसांपासून तो आपली फिटनेस पुन्हा मिळवण्याच्या प्रयत्नात होता. आता त्याने बंगळुरुतील एनसीएमध्ये फिटनेस टेस्ट यशस्वीरित्या पूर्ण केली आहे. यासह फिजिओने त्याला खेळण्यासाठी हिरवं कंदीलही दाखवलं आहे.

ऑस्ट्रेलियाविरुद्धच्या मालिकेत धावांचा पाऊस पाडल्यानंतर, तो २२ जानेवारीला इंग्लंडविरुद्ध टी-२० सामना खेळण्यासाठी मैदानात उतरला होता. या सामन्यात त्याने गोलंदाजी किंवा फलंदाजी केली नव्हती. त्याने दुसऱ्या टी-२० सामन्यापूर्वी नेट्समध्ये सराव केला. मात्र दुखापतीमुळे त्याला या मालिकेतून बाहेर पडावं लागलं होतं.

हैदराबादकडून धावांचा पाऊस पाडला.

आयपीएल २०२४ स्पर्धेत नितीश रेड्डीच्या फलंदाजीचा कहर पाहायला मिळाला होता. या स्पर्धेत त्याने धावांचा पाऊस पाडला होता. ही कामगिरी पाहता, त्याला भारतीय संघात पदार्पण करण्याची संधी देण्यात आली होती. आंतरराष्ट्रीय स्तरावरही त्याने धावांचा पाऊस पाडला. यादरम्यान आयपीएल २०२५ स्पर्धपूर्वी झालेल्या लिलावात सनरायझर्स हैदराबादने त्याला ६ कोटी रुपये मोजून रिटेन केलं. लवकरच तो भारती संघासोबत जोडला जाणार आहे. हैदराबादचा पहिला सामना २३ मार्चला राजस्थान रॉयल्सविरुद्ध होणार आहे.