IND vs ENG 3rd Test, Jasprit Bumrah Injury:

भारत आणि इंग्लंड या दोन्ही संघांमध्ये ५ कसोटी सामन्यांची मालिका सुरू आहे. मालिकेतील पहिल्या सामन्यात भारतीय संघाला २८ धावांनी पराभवाचा सामना करावा लागला होता. तर मालिकेतील दुसऱ्या सामन्यात भारतीय संघाने दमदार कमबॅक करत १०६ धावांनी मिजय मिळवला आहे. (IND vs ENG)

यासह ही मालिका १-१ च्या बरोबरीत आली आहे. मालिकेतील तिसरा सामना येत्या १५ फेब्रुवारीपासून राजकोटमध्ये रंगणार आहे. या सामन्यापूर्वी भारतीय संघाचा वेगवान गोलंदाज जसप्रीत बुमराहबाबत मोठी अपडेट समोर आली आहे. (Jasprit Bumrah News In Marathi)

माध्यमातील वृत्तानुसार, जसप्रीत बुमराह राजकोट कसोटीतून बाहेर होऊ शकतो. त्याला तिसऱ्या कसोटीतून विश्रांती दिली जाऊ शकते. मात्र याबाबत कुठलीही अधिकृत माहिती समोर आलेली नाही. मात्र हे जवळ जवळ निश्चित आहे की, तो राजकोट कसोटीत खेळताना दिसून येणार नाही.

काय आहे कारण?

फिरकी गोलंदाजांसाठी अनुकूल असलेल्या खेळपट्टीवर भारताचा वेगवान गोलंदाज जसप्रीत बुमराह दमदार कामगिरी करतोय. तो या मालिकेत सर्वाधिक गडी बाद करणाऱ्या गोलंदाजांच्या यादीत अव्वल स्थानी आहे. त्याने २ सामन्यांमध्ये १५ गडी बाद केले आहेत. बुमराहने हैदराबाद कसोटीत ६ गडी बाद केले. तर विशाखापट्टनम कसोटीत त्याने ९ फलंदाजांना पॅव्हेलियनची वाट दाखवली. यासह त्याने २५ गडी बाद केले. (Cricket news in marathi)

विशाखापट्टनम कसोटीत त्याने ७० पेक्षा अधिक षटकं टाकली. त्यामुळे वर्कलोड मॅनेज करण्यासाठी त्याला विश्रांती देण्याचा निर्णय घेतला जाऊ शकतो. त्याच्याऐवजी मोहम्मद सिराजला संधी दिली जाऊ शकते.

भारताचा शानदार विजय..

विशाखापट्टनमच्या मैदानावर पार पडलेल्या या सामन्यात भारतीय संघाने दुसऱ्या डावात २५५ धावा करत इंग्लंडला विजयासाठी ३९९ धावांचं आव्हान दिलं होतं. या धावांचा पाठलाग करताना इंग्लंडचा डाव २९२ वर आटोपला. भारतीय संघाने या सामन्यात १०६ धावांनी विजय मिळवला.