नोकरी शोधत असलेल्या तरुणांसाठी महत्त्वाची बातमी आहे. आयजीआय एविएशन सर्व्हिसेसमध्ये नोकरी करण्याची उत्तम संधी तुमच्याकडे आहे. एअरपोर्ट ग्राउंड स्टाफ आणि लोडर पदांसाठी भरती सुरु करण्यात आली आहे. जर तुम्हालाही ही नोकरी करायची असेल तर लवकरात लवकर अर्ज करा.

एव्हिएशनमधील नोकरीसाठी igiaviationdelhi.com या वेबसाइटवर जाऊन अर्ज करु शकतात. दरम्यान, आयजीआय एविएशन सर्विसेजमध्ये १४४६ रिक्त पदांसाठी भरती जाहीर करण्यात आली आहे. ज्यामध्ये एअरपोर्ट ग्राउंड स्टाफ पदांसाठी १०१७ जागा रिक्त आहेत आणि लोडर पदासाठी ४२९ जागा रिक्त आहेत. या पदासाठी फक्त पुरुष उमेदवार अर्ज करु शकतात. या नोकरीसाठी अर्ज करण्याची शेवटची तारीख २१ सप्टेंबर २०२५ आहे. त्यामुळे इच्छुकांनी मुदतीपूर्वी अर्ज करावेत.

पात्रता

एअरपोर्ट ग्राउंड स्टाफ पदांसाठी अर्ज करणाऱ्या उमेदवाराने मान्यताप्राप्त विद्यापीठातून बारावी पास असणे गरजेचे आहे.

एअरपोर्ट ग्राउंड स्टाफ पदासाठी १८ ते ३० वयोगटातील उमेदवार अर्ज करु शकतात. लोडर पदासाठी अर्ज करणारे उमेदवार हे २० ते ४० वयोगटातील असावे.

एअरपोर्ट ग्राउंड स्टाफ पदासाठी उमेदवारांना २५००० ते ३५००० रुपये पगार मिळणार आहे. लोडर पदासाठी १५००० ते २५००० रुपये पगार मिळणार आहे.

अर्ज कसा करावा?

या नोकरीसाठी उमेदवारांची निवड लेखी परीक्षेद्वारे होणार आहे. लेखी परीक्षा दहावीच्या अभ्यासक्रमानुसार असणार आहे. लेखी परीक्षा सामान्य ज्ञान, अॅप्टीट्यू, रिजनिंग, इंग्रजी आणि एव्हिएशन विषयावर होणार आहे.

या नोकरीसाठी अर्ज करताना ग्राउंड स्टाफ पदासाठी ३५० रुपये शुल्क भरावे लागणार आहे. तर लोडर पदासाठी अर्ज करताना २५० रुपये शुल्क भरावे लागणार आहे.