मुंबईतील मध्य रेल्वे सेवेला आज सकाळी मोठा फटका बसल्याने प्रवाशांनी संताप व्यक्त केला आहे. एलफिन्स्टन पुलावरील सुरू असलेल्या ब्लॉकमुळे गाड्यांची वाहतूक विस्कळीत झाली आहे. सुरुवातीला मध्य रेल्वेकडून गाड्या दादरपर्यंत चालवण्यात येतील अशी माहिती देण्यात आली होती. मात्र प्रत्यक्षात कुर्ला स्थानकात पोहोचल्यानंतर गाड्या पुढे जाणार नसल्याच्या सूचना दिल्याने प्रवाशांमध्ये मोठा संभ्रम निर्माण झाला. कुर्ला स्थानकातच गाड्या थांबवण्यात येत असल्याने अनेक प्रवासी अडकून पडले आहेत. दादरपर्यंत पोहोचण्याच्या अपेक्षेने प्रवास सुरू केलेल्या प्रवाशांना अचानक बदललेल्या निर्णयाचा मोठा फटका बसला आहे.
दरम्यान, सकाळी सहा वाजेपर्यंत हा ब्लॉक संपणार असल्याचे सांगण्यात आले होते. मात्र ठरलेल्या वेळेनंतरही ब्लॉक सुरूच असल्याने प्रवाशांचा खोळंबा वाढला असून नाराजी व्यक्त केली जात आहे. मध्य रेल्वेकडून याबाबत स्पष्ट आणि वेळेवर माहिती न दिल्याचीही तक्रार प्रवाशांकडून केली जात आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.