सुरतमधील दिंडोली येथील स्वामीनारायण मंदिर संकुलातील बाथरूममध्ये दोन तरुणींचे मृतदेह आढळले आहे. दिंडोलीच्या रामी पार्क सोसायटीमध्ये राहणाऱ्या बालपणीच्या मैत्रिणी रोशनी सिरसाठ आणि ज्योत्स्ना चौधरी अशी त्यांची ओळख पटली आहे. घरी येण्याची वेळ होऊनही या दोघी परतल्या नसल्याने तेव्हा त्यांच्या कुटुंबियांनी पोलिस स्टेशनमध्ये जात तक्रार दाखल केली. पोलिसांनी तपास केला असता मंदिराच्या बाथरूममध्ये दोन्ही महिलांचे मृतदेह आढळले. तपासात असे दिसून आले की मुलींनी चॅट जीपीटीला Chat Gpt आत्महत्येचा मार्ग विचारला होता.

कुटुंबीयांनी दिलेल्या माहितीनुसार, या दोघी ही सोबत कॉलेजला जात असे. घरी यायची वेळ उलटूनही दोघी परतल्या नाहीत. त्यामुळे कुटुंबीयांनी तरुणींना फोन केले. पण त्यांनी कुठलाही प्रतिसाद दिला नाही. त्यानंतर पोलिसांत तक्रार दाखल केली आणि पोलिसांनी घटनेचे गांभीर्य लक्षात घेता तपास सुरू केला.

पोलिसांनी मोबाईल लोकेशनच्या सहाय्याने तरुणींना ट्रॅक केले आणि या दोघींचा मृतदेह स्वामीनारायण मंदिरात आढळले. पोलिस आणि कुटुंबातील सदस्य हे मंदिर परिसरात पोहोचले तेव्हा त्यांना या दोघींची स्कूटी आढळली. मंदिरातील सीसीटीव्ही चेक केला असता या दोघी बाथरूममध्ये जाताना दिसल्या. बाथरूममध्ये पोलिसांनी जाऊन बघितले तर दरवाजा बंद होता. त्यांनी दरवाजा तोडला तेव्हा दोघींचेही मृतदेह बाथरूममध्ये आढळले. हे दृश्य पाहून कुटुंबियांसाह पोलिसांना देखील मोठा धक्का बसला.

दोघींच्या मृतदेहाजवळ एक भरलेली क्लोरोफॉर्म बाटली, एक रिकामी बाटली आणि इंजेक्शन देखील आढळली. पोलिसांनी दोन्ही मृतदेह पोस्टमार्टमसाठी पाठवले आहेत. सुरतचे एसीपी नीरव सिंह यांनी दिलेल्या माहितीनुसार, प्राथमिक तपासात दोन्ही मुली लहानपणापासून मैत्रीण आहेत. दोघी कायम एकाच स्कूटीवर कॉलेजला जायच्या. दोघींच्या मृतदेहा भोवती एनेस्थिटीयाची भरलेली आणि एक रिकामी बाटली आढळली.

दोघांच्याही मोबाईल फोनच्या प्राथमिक तपासात त्यांनी चॅट जीपीटीला विचारले की आत्महत्या कशी करावी, कोणते विष वापरावे आणि ते कसे घ्यावे याबद्दल माहिती सर्च केली होती. या घटनेमुळे सूरत हादरले असून पोलिस अधिक तपास करत आहे.