Summary -

• बंगळुरूमध्ये स्कूटर देण्यास बायकोने नकार दिला

• नवऱ्याने बायको आणि सासू-सासऱ्यांना जिवंत जाळलं

• आरोपीने तिघांच्या अंगावर पेट्रोल टाकून पेटवून दिलं

• या घटनेत तिघेही गंभीर जखमी झाले

कर्नाटकच्या बंगळुरूमध्ये एक मन सुन्न करणारी घटना घडली. स्कूटर घेऊन देण्यास नकार दिल्यामुळे संतप्त झालेल्या एका तरुणाने बायको आणि सासू-सासऱ्यांना जिवंत जाळण्याचा प्रयत्न केला. आरोपीने या तिघांच्या अंगावर पेट्रोल टाकून आग लावली. या घटनेत तिघेही गंभीररितया जखमी झालेत. त्यांच्यावर सध्या रुग्णालयात उपचार सुरू असून तिघांची प्रकृती चिंताजनक आहे. या प्रकरणी पोलिसांनी आरोपीविरोधात गुन्हा दाखल करत त्याला अटक केली.

पोलिसांनी दिलेल्या माहितीनुसार, पांडुरंगा (३२ वर्षे) असे आरोपीचे नाव आहे. तो बंगळुरूच्या नंदिनी लेआऊट परिसरात राहतो. पांडुरंगाची बायको सुमलता ही २७ वर्षांची असून ती घरकाम करते. पांडुरंग सुमलताच्या माहेरी आला होता आणि त्याने सासरच्यांकडे स्कूटर मागितली. सुमलताने स्कूटर घेण्यास नकार दिला त्यामुळे दोघांमध्ये कडाक्याचे भांडण झाले. नवरा बायकोचा वाद मिटवण्यासाठी सुमलताच्या आई-वडिलांनी हस्तक्षेप केला आणि हा वाद आणखी वाढला.

रागाच्या भरात आरोपीने सुमलता आणि तिच्या आई-वडिलांच्या अंगावर पेट्रोल टाकून त्यांना जिवंत जाळण्याचा प्रयत्न केला. त्यानंतर आरोपीने घटनास्थळावरून पळ काढला. तिघांच्या ओरडण्याचा आवाज ऐकून शेजारी राहणारे त्यांच्या मदतीला धावून आले. त्यांनी आग विझवण्याचा प्रयत्ने केला पण तोपर्यंत तिघेही गंभीररित्या भाजले गेले. तिघांना तात्काळ रुग्णालयात दाखल करण्यात आले. तिघांवर उपचार सुरू आहेत पण त्यांची प्रकृती गंभीर आहे. पोलिसांनी आरोपीविरोधात गुन्हा दाखल करत त्याला अवघ्या काही तासांत अटक केली.