• भारतात २ वर्षे बांधकाम बंदी असल्याचा मेसेज व्हायरल

• व्हायरल मेसेजमागचं सत्य काय हे आपण जाणून घेणार आहोत

• नीती आयोगाने बांधकाम बंदी घातली हे खरं आहे का?

• भारतातील बांधकाम व्यवसायावर संकटात

संदीप चव्हाण, साम टीव्ही

आता दावा करण्यात आलाय की देशात बांधकामांवर 2 वर्षांची बंदी घालण्यात आलीय. पण, खरंच असा सरकारने निर्णय घेतलाय का? याची आम्ही पडताळणी केली. त्यावेळी काय सत्य समोर आलं पाहुयात...

आखाती राष्ट्रातील युद्धाचा फटका आता भारतालाही बसू लागलाय. संपूर्ण भारतात 2 वर्षांसाठी बांधकामावर बंदी घालण्यात आल्याचा दावा करण्यात आलाय. नीती आयोगाने बांधकाम करण्यावर बंदी घातल्याचा दावा करण्यात आलाय. पण, खरंच युद्धाचा फटका बांधकाम व्यवसायाला बसलाय का? खरंच एवढा मोठा निर्णय का घेण्यात आलाय? युद्धाचा फटका भारताला बसतोय का? याची आम्ही पडताळणी सुरू केली. पण, मेसेजमध्ये काय दावा केलाय पाहुयात...

पश्चिम आशियातील संकटामुळे अर्थव्यवस्थेवर ताण येतोय. त्यामुळे नीती आयोगाने संपूर्ण भारतात दोन वर्षांच्या बांधकाम बंदीची मागणी केलीय. हा मेसेज व्हायरल होत असल्याने अनेकांमध्ये संभ्रम निर्माण झालाय. कारण, देशात कंन्ट्रक्शन व्यवसाय हा खूप मोठा आहे. मोठमोठ्या बिल्डिंगची कामं सुरू आहेत. तर काही जणांच्या घरांचं काम सुरू आहे.

मग बांधकाम सुरू असलेल्या घरांचंही काम थांबवणार का? असा निर्णय सरकारने घेतला असेल तर त्याची माहिती जाणून घेणं गरजेचं आहे. बांधकाम साहित्यही मिळणार नाही का? असे प्रश्न उपस्थित झाल्याने आमच्या व्हायरल सत्य टीमने सरकारकडून माहिती मिळवली. त्यावेळी सरकारच्या अधिकृत पीआयबी पेजवर काय माहिती देण्यात आली पाहुयात...

साम इन्व्हिस्टिगेशनमधून समोर आले की, नीती आयोगाने बांधकामांवर बंदी घातलेली नाही. 2 वर्षे बांधकाम बंदीचा निर्णय घेतलेला नाही. देशभरात बांधकामांवर बंदीचा व्हायरल मेसेज खोटा. व्हायरल दाव्यांवर विश्वास ठेवू नका. सरकारनेही लोकांना अशा बातम्यांची पडताळणी केल्यानंतरच विश्वास ठेवण्याचे आवाहन केलंय. 2 वर्षे बांधकाम बंदीचा निर्णय नीती आयोगाने घेतलेला नाही. त्यामुळे आमच्या पडताळणीत हा दावा असत्य ठरलाय.`