• बिहार भागलपूर तलावात ६ मुलांचा बुडून मृत्यू

• कर्म-धर्म पर्वासाठी स्नान करताना घडली घटना

• या घनटेनंत परिसरात हळहळ व्यक्त केली जात आहे

• घटनास्थळी मृतांच्या कुटुंबीयांना टाहो फोडला

बिहारमध्ये ६ मुलांचा नदीत बुडून मृत्यू झाला. भागलपूर जिल्ह्यातील सुल्तानगंज पोलिस ठाण्याच्या हद्दीत ही घटना घडली. मृतांमध्ये ३ मुलं आणि ३ मुलींचा समावेश आहे. कर्म-धर्म पर्वदरम्यान या सहाही जण स्नान करण्यासाठी तलावात उतरले होते. पण पाण्याचा अंदाज न आल्यामुळे सहाही जणांचा मृत्यू झाला. या घटनेनंतर हळहळ व्यक्त केली जात आहे.

मिळालेल्या माहितीनुसार, बिहारच्या भागलपूर येथे सोमवारी सकाळी ही धक्कादायक घटना घडली. तलावात बुडून सहा मुलांचा मृत्यू झाला. हे सर्वजण अंघोळीसाठी तलावात उतरले पण त्यांना पोहता येत नसल्याने त्यांचा मृत्यू झाला. या घटनेनंतर मुलांच्या कुटुंबीयांनी घटनास्थळी टाहो फोडला. घटनास्थळावर नागरिकांनी मोठी गर्दी केली. सहाही जणांचे मृतदेह बाहेर काढण्यात आले.

ज्योती कुमारी, मीनाक्षी कुमारी, आयुष कुमार, राहुल कुमार, पूजा कुमारी आणि विकास कुमार अशी मृत मुलांची नावं आहेत. ज्योती कुमारी या एका मुलीला वगळता बाकी सर्व मुले विष्णू टोला वॉर्ड क्रमांक २७ चे रहिवासी होते. राहुल आणि पूजा ही सख्खी भावंडे होती. मिळालेल्या माहितीनुसार, कर्म-धर्म उत्सवानिमित्त ही मुले एका तलावात स्नान करण्यासाठी गेली होती. ते सर्व एकत्र होते. अचानक, एक मुलगा खोल पाण्यात गेला. त्याला बुडताना पाहून त्याला वाचवण्यासाठी इतर मुलांनीही पाण्यात उडी मारली ज्यामुळे ही घटना घडली.

घटनेची माहिती मिळताच मोठ्या संख्येने गावकरी आणि नातेवाईक घटनास्थळी धाव घेतली. सर्व मुले वेगवेगळ्या कुटुंबांतील होती. स्थानिकांनी मुलांना तलावातून बाहेर काढले. माहिती मिळताच पोलिस आणि प्रशासकीय अधिकारीही घटनास्थळी पोहोचले. मुलांना तात्काळ रुग्णालयात नेण्यात आले पण डॉक्टरांनी त्यांना मृत घोषीत केले. मृत मुलं १२ ते १३ वयोगटातील आहेत.