मुंबईच्या कोस्टल रोड बोगद्यात धावत्या कारला अचानक आग लागली
बोगद्यात धुराचे मोठे लोट पसरल्याने दोन्ही मार्गिका तात्पुरत्या बंद करण्यात आल्या
हाजी अली ते वरळी दरम्यान मोठी वाहतूक कोंडी झाली
अग्निशमन दल आणि पोलीस घटनास्थळी दाखल
मुंबईतल्या कोस्टल रोडच्या बोगद्यामध्ये कारने पेटल घेतला. बोगद्याच्या आतमध्ये गेल्यानंतर कारला अचानक आग लागली आणि बघता बघता संपूर्ण कार आगीत जळून खाक झाली. या घटनेमुळे कोस्टर रोडच्या बोगद्यात धुराचे लोट पसरले आहेत. या घटनेनंतर कोस्टल रोडच्या दोन्ही मार्गिका बंद करण्यात आल्या आहेत. त्यामुळे परिसरात मोठी वाहतूक कोंडी झाली आहे. या घटनेनंतर वाहन चालकांनी आपली वाहनं सोडून पळ काढला. कोस्टल रोडवर गोंधळाचे वातावरण आहे.
दुपारी १२.२५ वाजता कोस्टल रोडच्या बोगद्यामध्ये कारला आग लागली. हाजीअली ते वरळी दरम्यान कारने पेट घेतला. घटनेची माहिती मिळताच अग्निशमन दलाने आणि पोलिसांनी घटनास्थळी धाव घेतली. कोस्टल रोडच्या दोन्ही मार्गिका बंद करण्यात आल्यामुळे परिसरात मोठी वाहतूक कोंडी झाली आहे.
कोस्टल रोड परिसरात वाहनांच्या लांबच लांब रांगा लागल्या आहेत. वाहतूक कोंडीमुळे अग्निशमन दलाला घटनास्थळी पोहचण्यासाठी अडथळे येत आहेत. बोगद्यात मोठ्या प्रमाणात धुराचे लोट असल्यामुळे आग विझवण्यात देखील अडचण येत आहे. ही आग नेमकी कशामुळे लागली यामागचे कारण समोर आले नाही.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.