Summary -

• म्हाडा कोकण मंडळाची लॉटरी ११ ऑक्टोबरला निघणार आहे.

• या लॉटरीमध्ये ५३५४ सदनिका आणि ७७ भूखंड विक्री होणार आहे.

• अर्जदारांची अंतिम यादी ९ ऑक्टोबरला जाहीर होईल.

• निकाल आणि प्रतीक्षा यादी ऑनलाइन प्रसिद्ध होणार आहे

म्हाडाच्या कोकण मंडळाच्या सोडतीबाबत महत्वाची अपडेट समोर आली आहे. ५३५४ सदनिका आणि ७७ भूखंडांच्या विक्रीसाठी सुधारित वेळापत्रक जाहीर करण्यात आले आहे. येत्या ११ ऑक्टोबर रोजी सोडत निघणार आहे. म्हाडा कोकण गृहनिर्माण व क्षेत्रविकास मंडळाच्या गृहनिर्माण सोडतीसाठी अर्ज केलेले हजारो नागरिक सोडत कधी निघणार याची वाट पाहत होते. या सोडतीची तारीख जाहीर झाली आहे.

ठाणे शहर व जिल्हा तसेच वसई येथील विविध प्रकल्पांतर्गत बांधलेल्या ५३५४ सदनिका आणि ओरोस (जि. सिंधुदुर्ग), कुळगाव-बदलापूर येथील ७७ भूखंडांच्या विक्रीसाठी संगणकीय सोडत आता ११ ऑक्टोबर २०२५ रोजी ठाणे येथील डॉ. काशीनाथ घाणेकर नाट्यगृहात पार पडणार आहे. मंडळाच्या मुख्य अधिकारी श्रीमती रेवती गायकर यांनी ही माहिती दिली.

वेळापत्रक -

१ ऑक्टोबर २०२५, सायं. ६.०० वा. – स्वीकृत अर्जांची प्रारूप यादी संकेतस्थळावर प्रसिद्ध.

३ ऑक्टोबर २०२५, सायं. ६.०० वा. पर्यंत – ऑनलाईन दावे व हरकती नोंदविण्याची मुदत.

९ ऑक्टोबर २०२५, सायं. ६.०० वा. – अंतिम यादी संकेतस्थळावर प्रसिद्ध.

११ ऑक्टोबर २०२५ – संगणकीय सोडत व निकाल जाहीर.

सोडतीचे घटक :

सर्वसमावेशक योजनेअंतर्गत – ५६५ सदनिका

एकात्मिक शहर गृहनिर्माण योजना – ३००२ सदनिका

म्हाडा कोकण मंडळ गृहनिर्माण योजना व विखुरलेल्या सदनिका – १७४६ सदनिका

परवडणाऱ्या गृहनिर्माण योजनेअंतर्गत – ४१ सदनिका

भूखंड विक्रीसाठी – ७७ भूखंड

या सोडतीसाठी तब्बल १,८४,९९४ अर्ज प्राप्त झाले असून, त्यापैकी १,५८,४२४ अर्ज अनामत रकमेसह वैध ठरले आहेत.

सोडतीचे निकाल आणि प्रतीक्षा यादीतील नावे देखील म्हाडाच्या अधिकृत संकेतस्थळावर (https://housing.mhada.gov.in) प्रसिद्ध केली जाणार आहेत.