- अभिजीत देशमुख

महावितरणच्या कारभाराविरोधात आज (शनिवार) शिवसेनेने कल्याण शहरातील महावितरण कार्यालयात धडक देत अधिका-यांना जाब विचारला. कर्मचाऱ्यांची वागणूक सुधारा अन्यथा कार्यालयात शिवसेना आपल्या पद्धतीने आंदाेलन करेल आणि त्यानंतर कार्यालयास नवीन फर्निचर घ्यावे लागेल असा सज्जड इशारा शिवसेना शहरप्रमुख रवी पाटील यांनी महावितरणला निवेदनाद्वारे दिला.

कल्याण शहरात गेल्या अनेक महिन्यांपासून महावितरणचा अयाेग्य कारभार सुरू असल्याचा आराेप पाटील यांनी केला. वारेमाप वीज बिल आकारणी, दरवर्षी आकारण्यात येणारे सेक्युरिटी डिपॉझिट, वारंवार विद्युत पुरवठा खंडित होणे, विज कर्मचाऱ्यांचे ग्राहकांशी उद्धट वागणूक,स्मार्ट मीटर अशा अनेक समस्यांनी ग्राहक त्रासल्याचे पाटील यांनी नमूद केले.

शिवसेना शहरप्रमुख रवी पाटील यांनी अव्वा सव्वा विज बिल तसेच दरवर्षी आकारण्यात येणाऱ्या सेक्युरिटी डिपॉझिटला विरोध केला. याबाबत निर्णय घेण्याची मागणी महावितरणकडे पाटील यांनी केली.

Edited By : Siddharth Latkar