मुंबईत सगळीकडे मेट्रोचे जाळे पसरणार आहे. मुंबईकरांची वाहतूक कोंडीपासून सुटका होणार आहे. आरे ते बीकेसी मेट्रो सुरु झाली आहे. त्यानंतर मुंबई मेट्रो रेल कॉर्पोरेशन मेट्रो सेवेच्या विस्तारासाठी काम करत आहे. एमएमआरसीएल एप्रिलपर्यंत आचार्य अत्रे चौकपर्यंत मेट्रो सेवा सुरु करण्यात येणार असल्याचे सांगण्यात येत आहे. (Mumbai Metro Phase 2)

मेट्रोचा दुसरा फेज लवकरच सुरु हहोणार आहे. या दुसऱ्या फेजमध्ये बीकेसी ते वरळीपर्यंत मेट्रोल धावणार आहे. लवकरच बीकेसी ते वरळीपर्यंतच्या मेट्रो मार्गावर ट्रायल रन सुरु होणार आहे.

याबाबत एमएमईरसीच्या वरिष्ठ अधिकाऱ्यांनी सांगितले की, पहिल्या फेजमध्ये सेवा सुरु करण्यासाठी ट्रायल रन अवधी कमी होणार आहे. दुसऱ्या फेजमध्ये जास्त नवीन उपकरण लावले गेले नाही. फक्त सर्व्हिसचा विस्तार केला जाणार आहे. यामुळे बीकेसी ते वरळी ही ट्रायल प्रक्रिया होण्यास जास्त वेळ लागणार नाहीये. त्यामुळे फेज २ मेट्रो लवकरच सुरु केली जाईल.ट्रायल प्रक्रिया कमी कालावधीत झाल्यावर सीएमआरएस सर्टिफिकेटसाठी जास्त वाट पाहावी लागणार नाही.

याचसोबत सध्या कुलाबा ते आरेच्या मद्ये मेट्रो ३ च्या कॉरिडॉरची निर्मिती केली जात आहे. विधानसभा निवडणुकांपूर्वी आरे ते बीकेसी मेट्रो सुरु केली होती. त्यानंतर आता कुलाबा ते बीकेसी मेट्रोदेखील सुरु केली जाणार आहे. मेट्रो लाइनचे काम ९३ टक्के पूर्ण झाले आहे. त्यामुळे लवकरच ही मेट्रोदेखील धावणार आहे.

मेट्रो फेज १ सुरु झाली आहे. त्यानंतर आता मेट्रो फेज २देखील सुरु केले जाणार आहे. यामुळे मुंबईकरांचा प्रवास अधिक सुखकर होणार आहे. एप्रिल महिन्यापर्यंत या मेट्रोचा विस्तार होऊ शकतो. यासाठी ट्रायल रन सुरु आहे.