सांगली शहरातील लिमये मळा परिसरात गाडीची हेडलाईट पडल्याच्या क्षुल्लक कारणातून नशेखोरांनी वडिलांचा मुलासमोरच दगडाने ठेचून खून करण्यात आला होता. या हल्ल्यात मुलगा सुयश हा गंभीर जखमी झाला होता. मृत क्रांती कुमार शेडबाळे यांच्या खुनानंतर संतप्त झालेल्या इनाम धामणी गावातील ग्रामस्थांनी घटनास्थळी संताप व्यक्त करत पोलिसांना धारेवर धरले होते. लिमये मळा परिसरात खुल्या भूखंडावर नशेखोरांचा राजवसपणे हैदोस सुरू असतो त्यांच्यावर कारवाई करण्यासाठी वारंवार मागणी करून देखील त्याच्यावर अंमलबजावणी केली जात नसल्याचा आरोप इनाम धामणी गावच्या ग्रामस्थांचा होता.

या घटनेनंतर पोलिसांनी दोघांना अटक करत एका अल्पवयीन मुलाला देखील ताब्यात घेतले होते. या घटनेने सांगलीतील नशे खोरीचा काळाबाजार उघड झाला आहे. या सर्व प्रकाराबाबत कठोर कारवाई करण्याच्या मागणीसाठी इनाम धामणीतील ग्रामस्थांनी आज पोलीस मुख्यालयावर मोर्चा काढला होता. प्रारंभी विश्रामबाग पोलीस ठाण्याचे पोलीस निरीक्षक सुधीर भालेराव यांना मागणीचे निवेदन देण्यात आले.

त्यांच्यावर कारवाई करण्यासाठी वारंवार मागणी करून देखील त्याच्यावर अंमलबजावणी केली जात नसल्याचा आरोप इनाम धामणी गावच्या ग्रामस्थांचा होता. या घटनेनंतर पोलिसांनी दोघांना अटक करत एका अल्पवयीन मुलाला देखील ताब्यात घेतले होते. या घटनेने सांगलीतील नशे खोरीचा काळाबाजार उघड झाला आहे. या सर्व प्रकाराबाबत कठोर कारवाई करण्याच्या मागणीसाठी इनाम धामणीतील ग्रामस्थांनी आज पोलीस मुख्यालयावर मोर्चा काढला होता.

यानंतर पोलीस मुख्यालयात संतप्त ग्रामस्थांनी ठिया मारला होता. कारवाई करावी अशी मागणी यावेळी ग्रामस्थांनी केली. यानंतर पोलीस अधीक्षक संदीप घुगे, अपर अधीक्षक कल्पना बारवकर यांनी स्वतः ग्रामस्थांशी संवाद साधत निवेदन स्वीकारले. विश्रामबागसह ग्रामीण भागातील खुल्या भूखंडावर पोलिसांची गस्त वाढवण्यात येत आहे.

नशेखोरी करणाऱ्यांविरोधात आम्ही कठोर कारवाई करू. असे प्रकार कुठे आढळल्यास थेट पोलिसांशी संपर्क साधावा त्यांची नावे गोपनीय ठेऊ, गुन्हेगारी रोखण्यास आमचे प्रथम प्राधान्य असल्याचे त्यांनी जमावाला आश्वासन दिले.