रामू ढाकणे 

छत्रपती संभाजीनगर : छत्रपती संभाजीनगर शहरातील एन ११ परिसरामध्ये असणाऱ्या समर्थ ज्वेलर्स हे दुकान (Sambhajinagar) महिनाभरापूर्वी चोरट्यांनी फोडले होते. त्यातून (Theft) चोरट्यांनी जवळपास २० लाखांचे दागिने लंपास केले होते. चोरट्यांनी चोरीचा हा डाव वेब सिरीज पाहून केल्याची माहिती समोर आली आहे. (Latest Marathi News)

छत्रपती संभाजीनगर शहरात घडलेल्या या चोरीची घटनेच्या महिनाभरानंतर मिळालेल्या माहितीवरून या चोरी करणाऱ्या तिघा जणांना गुन्हे शाखेच्या पोलिसांनी (Buldhana) बुलढाणा, परभणी आणि सिल्लोड येथून अटक केली. २ मार्चला या तिघांनी संभाजीनगरतील समर्थ ज्वेलर्स या दुकानाचे शटर उचकटून तब्बल ३१ किलो चांदी आणि १२ ग्रॅम सोन्याचे दागिने लंपास केले होते. मात्र चोरी करण्यापूर्वी त्यांनी दुकानासमोरील (CCTV) सीसीटीव्ही कॅमेरा फोडला होता आणि त्यानंतर हायड्रोलिक पकडीच्या सहाय्याने हे कुलूप तोडले होते. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

चांदीचे दागिने जप्त 

घटनेनंतर पोलिसात (Police) तक्रार देण्यात आली होती. यानंतर पोलिसांकडून तपास सुरु होता. या तपासादरम्यान पोलिसांनी चोरट्याना ताब्यात घेतले आहे. गुरुमुखसिंग हिरासिंग टाक, हरिंदरसिंग सागरसिंग दुधानी आणि मोहित भिकुलाल भंडारी अशी ताब्यात घेतलेल्या ३ आरोपींची नावे असून त्यांच्याकडून पोलिसांनी १ लाख ८९ हजार रुपयाचे चांदीचे दागिने जप्त केले.