- अमर घटारे

Amravati News : आमदार बच्चू कडू (Bacchu Kadu) व आमदार रवी राणा (Ravi Rana) यांच्यातील वाद मिटवण्यासाठी खूद्द मुख्यमंत्री व उपमुख्यमंत्री यांना पुढाकार घ्यावा लागला आहे. या दाेन्ही नेत्यांना मुख्यमंत्री व उपमुख्यमंत्र्यांनी फाेन केल्याची चर्चा आहे. लवकरच चाैघांमध्ये बैठक हाेण्याची शक्यता वर्तवली जात आहे. (Bacchu Kadu vs Ravi Rana Latest News)

शिंदे-फडणवीस सरकारला पाठिंबा देणारे अपक्ष आमदार बच्चू कडू (Bacchu Kadu) यांनी गुवाहाटीला जाऊन करोडो रुपये लाटले, असा आरोप रवी राणा यांनी केला होता. त्यानंतर रविवारी बच्चू कडू यांनी रवी राणा यांच्याविरोधात पोलिसांत तक्रार दिली. त्यांच्या तक्रारीवरून राजापेठ पोलिसांनी राणांवर अदखलपात्र गुन्हा दाखल केला आहे.

याबाबतची माहिती मुख्यमंत्री एकनाथ शिंदे (Eknath Shinde) आणि उपमुख्यमंत्री देवेंद्र फडणवीस यांच्यापर्यंत पाेहचली आहे. यानंतर दाेन्ही नेत्यांनी आमदार बच्चू कडू व आमदार रवी राणा यांच्याना फाेन केल्याचे समजते. दिवाळीनंतर दाेन्ही नेते बच्चू कडू आणि रवी राणा यांच्यासमवेत एक बैठक घेऊन वादावर पडदा टाकणार असल्याचे समजते. (Maharashtra News)

Edited By : Siddharth Latkar