Diwali 2022 : नरकासुराचे दहनानंतर काेकणवासीयांनी तुळशीवृदांवना समोर फाेडलं 'कारिट'

- विनायक वंजारे

Diwali 2022 : तळकोकणात घरोघरी दिवाळीचा (diwali) उत्साह पहायला मिळत आहे. तुळशीवृदांवना समोर डाव्या पायाच्या अंगठ्याने कडू कारीट फोडून दिवाळी साजरी करण्याची प्रथा रूढ आहे. आज पहाटे नरकासुराचे (narkasur) दहन केल्यानंतर अनेकांच्या घरी परंपरा जाेपासात काेकणवासीयांनी (kokan news) दिवाळी साजरी करण्यास प्रारंभ केला. (Sindhudurg Latest Marathi News)

सिंधुदुर्गात नरकचतुर्थीच्या पूर्वसंध्येला जिल्ह्यात अनेक ठिकाणी हौसी मंडळातर्फे नरकासूर स्पर्धेचे आयोजन करण्यात आले होते. आज पहाटेच्या सुमारास नरकासुराचे (Narkasur) दहन करण्यात आले. कणकवली (kankavali), कुडाळ (kudal), मालवण (malvan), सावंतवाडी (sawantwadi) व इतर ठिकाणी नरकासुर दहनाचा कार्यक्रम पार पडला. (Maharashtra News)

तळकोकणात घरोघरी दिवाळीचा उत्साह पहायला मिळत आहे. तुळशीवृदांवना समोर डाव्या पायाच्या अंगठ्याने कडू कारीट फोडून दिवाळी साजरी करण्याची प्रथा रूढ आहे. भल्या पहाटे अभ्यंगस्नान करून तुळशीवृदांवना समोर कारीट फोडले जाते व गोविंदा गोविंदा अशी जोरात आरोळी देऊन श्रीकृष्णाचं आवाहन केल जातं. ही परंपरा आजही काेकणवासीयांनी जाेपासात दिवाळी साजरी केली.

यासाठी अनेक आख्यायिका सांगितल्या जातात. श्रीकृष्णाने नरकासुराचा वध करून असुरी शक्तीचा नाश केला त्याचे प्रतिक म्हणून तुळशीवृदांवना समोर कडू कारीट फोडण्याची प्रथा आहे. तळकोकणात (kokan) हा दिवस ‘चावदीस’ म्हणून साजरा करतात. महाराष्ट्रात सर्वच ठिकाणी ही परंपरा नाही. आपल्यातले दुर्गुण, दुर्विचार यासोबत नष्ट व्हावेत यासाठी दिवाळीच्या पहिल्या आंघोळी नंतर कडू कारीट फोडून त्याची चव चाखली जाते. अशा आगळ्या वेगळ्या पद्धतीने तळकोकणात घरोघरी दिवाळी साजरी केली जात आहे. (Breaking Marathi News)

Edited By : Siddharth Latkar