भरत मोहळकर, साम टीव्ही

नाशिक : मनोज जरांगेंनी विधानसभा लढवणार नसल्याचं स्पष्ट केलंय...मात्र मराठा आरक्षणाला विरोध करणाऱ्यांचा सुफडा साफ करणार असल्याचं स्पष्ट केलंय.. त्यापार्श्वभुमीवर जरांगेंनी ओबीसी नेते छगन भुजबळांच्या बालेकिल्ल्यात सभा घेत छगन भुजबळ आणि समीर भुजबळांना पराभूत करण्याचा अप्रत्यक्ष संकेत दिलेयत.. तर आरक्षणाला विरोध करणाऱ्यांना पाडा, हे जरांगेंचं म्हणणं बरोबर असल्याचं भुजबळांनी म्हटलंय...

लोकसभा निवडणुकीत जरांगे फॅक्टरचा 9 मतदारसंघात महायुतीला मोठा फटका बसला. त्यातच आता विधानसभेसाठी जरांगेंनी आरक्षणाला विरोध करणाऱ्यांना पाडण्याचं आवाहन केलंय... यावेळी जरांगेंचा रोख भुजबळांच्या दिशेने होता. त्यामुळे अप्रत्यक्षपणे जरांगेंनी माणिकराव शिंदेंना पाठींबा देण्याचे संकेत दिलेत. मात्र येवल्यातील 2019 मधील मतांचं समीकरण कसं होतं? पाहूयात.

2019 मधील मतांचं गणित

छगन भुजबळ, राष्ट्रवादी काँग्रेस, 1 लाख 26 हजार 237

संभाजी पवार, शिवसेना, 69 हजार 712

56 हजार 525 मतांनी भुजबळांचा विजय

2004 नंतर येवल्यातून छगन भुजबळांच्या मतांमध्ये वाढ होत गेलीय. मात्र राष्ट्रवादीच्या फुटीनंतर भुजबळांनी फसवणूक केल्याचा आरोप करत पवारांनी हल्लाबोल केलाय.. त्यातच 1 लाख 22 हजार मराठा मतदार असलेल्या येवल्यात सभा घेत जरांगेंनी भुजबळांची कोंडी केलीय. त्यामुळे येवल्यात मराठा विरुद्ध ओबीसी लढत होण्याची चर्चा रंगलीय.

मात्र मराठा समाज जरांगेंचा सूचक संदेश लक्षात घेऊन भुजबळांचा पराभव करणार की सर्वजातीय नेत्यांची मोट बांधून भुजबळ विजयाची वाट सोपी करणार? हे 23 नोव्हेंबरलाच स्पष्ट होणार आहे.