Nanded Lok Sabha : नांदेड लोकसभा पोट निवडणुकीसाठी भाजपचा उमेदवार ठरला; भाजप कार्यकर्त्यांचा जल्लोष

संजय सूर्यवंशी

नांदेड : एकीकडे विधानसभा निवडणुकीची रणधुमाळी सुरु असून नांदेड लोकसभेसाठी पोटनिवडणूक देखील लागली आहे. यात नांदेड लोकसभा पोट निवडणुकीसाठी भाजपने उमेदवारी जाहीर केली आहे. भाजपचे जिल्हाध्यक्ष डॉ. संतुक हंबर्डे यांना लोकसभा पोट निवडणुकीच्या मैदानात उतरविले आहे.

विधानसभा निवडणुकीचा बिगुल वाजण्यासोबतच नांदेड लोकसभा मतदारसंघासाठी पोटनिवडणुकीच्या कार्यक्रम देखील जाहीर झाला होता. यामुळे (Nanded) नांदेडमध्ये विधानसभा निवडणुकीसाठी उमेदवार शोधण्यासोबत लोकसभेसाठी उमेवार निवडीचा पेच होता. दरम्यान काँग्रेस पक्षाकडून दिवंगत खासदार वसंतराव चव्हाण यांच्या मुलाला उमेदवारी देण्यात आली होती. यानंतर (BJP) भाजपने देखील उमेदवाराची घोषणा करत डॉ. संतुक हंबर्डे यांना उमेदवारी घोषित केली आहे. 

आता नांदेड लोकसभा पोटनिवडणुकीत काँग्रेसकडून रवींद्र चव्हाण आणि भाजपकडून डॉ संतुक हंबर्डे मैदानात असणार आहेत. भाजपकडून डॉ. संतुक हंबर्डे यांना उमेदवारी जाहीर होताच नांदेडमध्ये भाजपाच्या कार्यकर्त्यांनी जल्लोष केला. वरिष्ठ नेत्यांचे हंबर्डे यांनी आभार मानले. नांदेडच्या जनतेच्या विकासासाठी आपण या निवडणुकीच्या रिंगणात उतरलो, असल्याची प्रतिक्रिया भाजपचे उमेदवार डॉ. संतुक हंबर्डे यांनी दिली.