Malvan : रविवारी झालेल्या रोमाचंक क्रिकेट सामन्यात भारतानं पारंपारिक शत्रु पाकिस्तानवर मोठा विजय मिळवला. या विजयानंतर भारतातील गुप्तपणे दडून बसलेल्या पाकाड्यांची मळमळ ही मालवणमध्ये ऐकायला आली. पाकचा पराभव होताच या पाकाड्यांचा पुळका आलेल्या पाकप्रेमींनी चक्क पाकिस्तान झिंदाबाद अशा घोषणा दिल्या.

ही धक्कादायक बातमी समजताच राज्यभरातून याविरोधात संताप व्यक्त झाला. आणि प्रशासनानं मालवणच्या वायरी आडवन येथील या भंगार व्यावसायिकाला जन्माची अद्दल घडवली. देशद्रोही घोषणा देणाऱ्या दोघांना पोलिसांनी बेड्या ठोकल्यानंतर आता ज्या ठिकाणी पाकप्रेमाचा पुळका या देशद्रोह्यांना आला होता ते अनधिकृत भंगाराचं दुकान प्रशासनानं बुलडोझर फिरवत जमीनदोस्त केलंय. प्रशासनानं कशी कारवाई केली जाणून घेऊया थेट घटनास्थळावरून....

मालवणमध्ये देशविरोधी घोषणा देणाऱ्या सुप्त पाकाड्यांवर आम्ही जिल्ह्यातून हाकलवून देणार असल्याचं स्थानिक आमदार निलेश राणेंनी म्हटलंय. तसंच पोलिस प्रशासनानं तातडीनं कठोर कारवाई करण्याची मागणी देखील त्यांनी केली. त्यानंतर पोलिसांनी त्या भंगार व्यवसायिकाची राहण्याची खोली, शेड, भंगार साहित्य आणि दोन गाड्या जेसीबीच्या साहाय्याने उध्वस्त करत धडक कारवाई केली.

भारतात राहून पाकाड्यांचा पुळका आल्याची ही काही पहिलीच घटना नाही. या आधी देखिल अशा घटना समोर आल्या होत्या. परंतू आता प्रशासनानं या पाकड्यांच्या घरावर बुलडोझर फिरवून देशाच्या सन्मानासोबत कुठलीच तडजोड होणार नाही हा थेट इशारा दिलाय.