Maharashtra Politics saam tv
महाराष्ट्र

Maharashtra Politics: एकनाथ शिंदेंच्या आमदाराने भाजप आमदारावर तोफ डागली, म्हणाले- 'याच्यासारखा पापी माणूस...'

Nandurbar Politics: भाजपचे नेते विजयकुमार गावित यांनी शिवसेना शिंदे गटाच्या दोन आमदारावर टीका केली होती. या आमदारांची मस्ती जिरवण्याची भाषा गावितांनी केली होती. त्यांच्या या वक्तव्याला शिवसेना आमदार चंद्रकांत रघुवंशी यांनी जोरदार प्रत्युत्तर दिलं आहे.

Priya More

Summary -

  • चंद्रकांत रघुवंशी यांनी विजयकुमार गावित यांच्यावर भ्रष्टाचाराचे गंभीर आरोप केले.

  • गावित यांनी शिंदे गटाच्या आमदारांवर टीका करत त्यांची मस्ती जिरवण्याचे विधान केले होते.

  • या वादामुळे महायुतीमध्ये अंतर्गत मतभेद स्पष्ट झाले आहेत.

सागर नाईकवाडे, नंदुरबार

'देशात आदिवासी खात्यात सर्वाधिक भ्रष्टाचार करणारा मंत्री म्हणून डॉ विजयकुमार गावित परिचित आहेत. त्यांनी इतके पाप करुन देखील त्याचे काहीही वाकडे झाले नाही. त्यामुळे आमच्या सारख्या माणसांच्या खोट्या तक्रारी करुन आमचे काय बिघडणार?', असा टोला शिंदे गटाचे विधान परिषद आमदार चंद्रकांत रघुवंशी यांनी विजयकुमार गावितांना लगावला. विजयकुमार गावित यांनी शिंदेंच्या आमदारांची मस्ती जिरवण्याची भाषा केली होती. त्यावर शिंदेचे आमदार चंद्रकांत रघुवंशी यांनी विजयकुमार गावितांना जोरदार प्रत्युत्तर दिले.

'डॉ. विजयकुमार गावितांसारखा पापी माणूस आमच्यावर बोलत असेल तर दूध का दूध पाणी का पाणी होईलच.' असे चंद्रकांत रघुवंशी यांनी सांगितले. विजय कुमार गावितांनी अक्कलकुवा येथील सभेत शिंदे गटाच्या आमदारांवर टीका करत स्वबळाची भाषा केली होती. 'मला शिंदे गटाचे आमदार आमश्या पाडवी आणि चंद्रकांत रघुवंशी यांची मस्ती जिरवायची आहे. नंदुरबार जिल्ह्यात महायुती करू नका असे मी पक्षश्रेष्ठींना सांगितले आहे.', असे गावित म्हणाले होते. गावितांच्या या वक्तव्याला उत्तर देताना चंद्रकांत रघुवंशी यांच्याकडून त्यांच्यावर टीकास्त्र करण्यात आले आहे.

'आम्ही देखील स्वबळासाठी तयार असलो तरी पक्षश्रेष्ठी जो निर्णय घेतील तो आम्हाला मान्य असे.' असे आमदार चंद्रकात रघुवंशी म्हणाले. विजयकुमार गावितांना जिल्ह्यात भाजपातच कोणी विचारत नसल्याची टीका देखील रघुवंशींनी केली. या टीका टिकास्त्रामुळे जिल्ह्यातील महायुतीमधील अंतर्गत वाद चव्हाट्यावर आला आहे. महायुतीमधील आमदार एकमेकांचे उणेदुणे काढतांना दिसून येत असल्यामुळे जिल्ह्यात चर्चा होत आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Tulsi For Mental Health : अशाप्रकारे करा तुळशीचा वापर, मानसिक तणावापासून सुटका मिळवा

Horoscope : 10 ते 15 ऑगस्टपर्यंत बारा राशींचे संपूर्ण राशी, वाचा फक्त एका क्लिकवर

Buldhana Heavy Rain : बुलढाणा जिल्ह्यातील अनेक भागात जोरदार पाऊस; शेताला आले तलावाचे स्वरूप, घरातही शिरले पाणी

Maharashtra Live News Update: मुख्यमंत्री देवेंद्र फडणवीस उद्या लातूर जिल्ह्याच्या दौऱ्यावर

Box Office: शनिवारी 'महावतार नरसिंह'ने मारली बाजी; 'सैयारा', 'सन ऑफ सरदार २'ने केली कमाई

SCROLL FOR NEXT