Maharashtra Politics News: राज्याच्या राजकारणात आज मोठ्या नाट्यमय घडामोडी पाहायला मिळाल्या. गेल्या काही दिवसांपासून अजित पवार (AJit Pawar) भाजपमध्ये जाणार असल्याच्या चर्चा रंगल्या होत्या.

अखेर आज ते भाकित खरे ठरले असून अजित पवारांसह राष्ट्रवादी काँग्रेसच्या 9 आमदारांनी मंत्रीपदाची शपथ घेतली. राज्याच्या राजकारणात झालेल्या या सत्ता नाट्यानंतर सोशल मीडियावर मिम्सचा पाऊस पाहायला मिळाला. (Ajit Pawar News)

महाराष्ट्रातील राजकीय भूकंपानंतर अनेक राजकीय नेत्यांकडून त्यांच्या कार्यकर्त्यांकडून सोशल मीडियावर मिम्सचा महापूर आला असून त्यावर वेगवेगळ्या प्रतिक्रिया येत आहेत. लोकांनी अजित पवार, संजय राऊत, उद्धव ठाकरे, एकनाथ शिंदे यासारख्या अनेक नेत्यांना ट्रोल करायला सुरुवात केलीये. सध्या हे मिम्स प्रचंड व्हायरल होत आहेत. (Maharashtra Politics)

अजित पवारांसह राष्ट्रवादीच्या अनेक नेत्यांनी मंत्री पदाची शपथ घेताच ट्विटर, व्हॉट्सअप, इंस्टाग्राम, फेसबुक सारख्या सोशल मीडिया माध्यमांवर वेगवेगळ्या मजेशीर प्रतिक्रिया उमटू लागल्या आहेत.