- रणजीत माजगावकर

कृषी पंपांना जलमीटर बसवण्याची सक्ती रद्द करा, वाढीव पाणीपट्टी मागे घ्या, वाढीव रक्कम शेतकऱ्यांच्या सातबारावर नोंदणी करण्याची प्रक्रिया थांबवा यासह अन्य मागण्यासाठी आज (बुधवार) महाराष्ट्र इरिगेशन फेडरेशनच्या वतीने एल्गार पुकारण्यात आला. यावेळी आंदाेलकांनी पुणे-बंगळुरु राष्ट्रीय महामार्ग लगत पंचगंगा पुला नाजिक असणाऱ्या सेवा रस्त्यावर ठिय्या आंदोलन छेडण्यात आले.

महाराष्ट्र राज्य इरिगेशन फेडरेशनच्या वतीने आमदार सतेज पाटील, माजी खासदार राजू शेट्टी, डॉ. भारत पाटणकर, संजयबाबा घाटगे यांच्या नेतृत्वाखाली हे ठिय्या आंदोलन करण्यात आले. या आंदोलनामध्ये कोल्हापूर, सांगली, सातारा, पुणे या जिल्ह्यातील हजारो शेतकरी सहभागी झाले होते.

यापूर्वीही पंपधारकांच्या प्रश्नावर अधिकाऱ्यांची बैठक झाली. मात्र यावर ठोस निर्णय झालेला नाही म्हणून सरकारच्या विरोधात पहिला टप्प्यातले हे आंदोलन करण्यात आल्याचे शिष्टमंडळाने स्पष्ट केले.

आचारसंहितेचे कारण देत सरकारने 6 जूनपर्यंतची वेळ महाराष्ट्र इरिगेशन फेडरेशनला दिली आहे. जर या वेळेत मागण्या मान्य झाल्या नाहीत तर मात्र बेमुदत आंदोलन छेडण्याचा इशारा आंदोलकांनी दिला सरकारला दिला आहे.

Edited By : Siddharth Latkar