छ्त्रपती संभाजीनगर जिल्ह्यात वाळू वाहतूकदारांकडून 15 हजाराची लाच प्रकरणी दोन पोलिसांवर एसीबीने कारवाई केली आहे. दरम्यान तक्रारदाराच्या तक्रारीनंतर एसीबीने रचलेल्या सापळ्याची पाेलिसांना कुणकुण लागताच दाेघांनी स्वीकारलेली लाचेची रक्कम घेऊन पोबारा केल्याची माहिती प्राप्त झाली आहे. गंगापूर पोलिस उपविभागीय कार्यालयात दोघेही पोलिस हवालदार म्हणून कार्यरत हाेते. त्यांच्यावर गुन्हा दाखल झाला आहे.
जालन्यात वाळू चाेरांना 2 कोटी 25 लाखांचा दंड
जालन्यात अवैध वाळू माफियांविरोधात महसूल प्रशासन ॲक्शनमोडवर आले आहे. गेल्या 54 दिवसांत तब्बल 68 कारवाया करत 2 कोटी 25 लाखांचा दंड महसूल खात्याने वाळूमाफियांना ठोठविला आहे.
मागील दोन महिन्यांत अवैध वाळू वाहतूक करणाऱ्या 40 वाहनांवर महसूलच्या पथकाने कारवाई केली आहे. दरम्यान जालन्यात प्रशासनाकडून 23 वाळू घाटांसाठी 8 वाळू डेपो सुरू करण्यात आले आहेत. परंतु एकीकडे वाळू डेपो सुरू असतानाच दुसरीकडे मात्र अवैध वाळू उत्खनन आणि विक्री जोरात सुरू असल्याचं पाहायला मिळत आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.