Amravati : उपविभागीय अभियंता गेले काेठे? वडनेर गंगाई, सागरवाडी ग्रामस्थ आक्रमक, दर्यापूर जीवन प्राधिकरण कार्यालयात छेडलं आंदाेलन

- अमर घटारे

अमरावती जिल्ह्यातील दर्यापूर येथे महाराष्ट्र जीवन प्राधिकरणाच्या उपविभागीय अभियंता यांच्या खुर्चीला संतप्त ग्रामस्थांनी फुलाचा हार व टेबल वर मेणबत्ती लावून एमजीपीच्या कारभाराचा निषेध नाेंदविला. दरम्यान कारभारात याेग्य सुधारणा न झाल्यास आगामी काळात तीव्र आंदाेलन छेडण्याचा इशारा ग्रामस्थांनी दिला आहे. (Maharashtra News)

अमरावती जिल्ह्यातील दर्यापूर तालुक्यात बहुतांश गावात पाण्याचा ठणठणाट आहे. पूरेसे पाणी असूनही महाराष्ट्र जीवन प्राधिकरणाच्या कारभारामुळे पाणी मिळत नसल्याचे बहुतांश गावातील ग्रामस्थांचे म्हणणे आहे.

अनियमित व दूषित पाणीपुरवठा होत असल्याने दर्यापूर तालुक्यातील वडनेर गंगाई व सागरवाडी येथील ग्रामस्थ आज (साेमवार) आक्रमक झाल्याचे पाहवयास मिळाली. सकाळी दहा वाजल्या पासून अधिकारी कार्यालयात गैरहजर राहिल्याने संतप्त ग्रामस्थांनी एमजीपीच्या कारभाराचा निषेध नाेंदविला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

ग्रामस्थांनी उपविभागीय अभियंता यांच्या खुर्चीला फुलाचा हार घातला व टेबल वर मेणबत्ती लावून अधिका-यांच्या कामाबद्दल नाराजी व्यक्त केली. गावात नियमित पाणीपुरवठा होत नसल्याने अनेकदा नागरिकांनी अधिकाऱ्यांना निवेदन देऊनही दखल घेत जात नसल्याची तक्रार ग्रामस्थांनी केली.

Edited By : Siddharth Latkar