अभिजित देशमुख 
कल्याण : रेल्वेने प्रवास करत असलेल्या प्रवाशांचे मोबाईल चोरी करणारी टोळी सक्रिय झाली होती. धावत्या रेल्वेत काही प्रवाशी (Kalyan) दरवाजात बसलेले असतात. त्यांच्या हातातून मोबाईल हिसकावून चोरटे गर्दीचा फायदा घेऊन पसार होत असतात. तसेच प्रवासादरम्यान झोपलेल्या प्रवाशांचे देखील मोबाईल चोरी गेल्याच्या तक्रारी होत्या. यावरून (Railway Police) पोलिसांनी दोन चोरट्याना ताब्यात घेतले आहे. (Live Marathi News)

रेल्वे प्रवासादरम्यान मेल एक्सप्रेस लोकलच्या दरवाजावर उभे राहून प्रवास करणाऱ्या तसेच मेल एक्सप्रेसमध्ये झोपलेल्या प्रवाशांचे मोबाईल (Theft) चोरीला गेल्याचे प्रकार समोर आले आहेत. याबाबत कल्याण रेल्वे पोलीस ठाण्यात तक्रार दाखल झाल्या होत्या. यानंतर कल्याण रेल्वे पोलिसांनी वरिष्ठ पाेलिस निरिक्षक अर्चना दुसाणे, पोलिस अधिकारी प्रमोद देशमुख, ए. व्ही जावळे, जी. व्ही राणे यांच्या पथकाने तपास सुरू केला. याप्रकरणी पोलिसांनी दोन जणांना ताब्यात घेतले आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

कल्याण पोलिसांनी तपास करत राम प्रवेश सहानी आणि विशाल सुरवाडे अशी या चोरट्यांची नावे आहेत. हे दोघेही सराईत चोरटे आहेत. कल्याण रेल्वे पोलिसांनी या दोघांकडून काही मोबाईल हस्तगत केले आहे. पुढील तपास सुरु केला आहे.