Central Railway News: मध्य रेल्वेची वाहतूक विस्कळीत; वाहतूक खोळंबल्याने स्टेशनवर प्रवाशांची गर्दी

सुनील काळे

Central Railway News:

मध्य रेल्वेवर प्रवास करणाऱ्या प्रवाशांसाठी महत्वाची बातमी हाती आली आहे. मध्य रेल्वेवरील कळवा स्टेशनवर आव्हरहेड वायर तुटल्याने वाहतूक विस्कळीत झाली आहे. (Latest Marathi News)

मिळालेल्या माहितीनुसार, मध्य रेल्वेच्या कळवा स्टेशनवर आव्हरहेड वायर तुटल्याची माहीती मिळाली आहे. यामुळे कर्जत आणि कसाराहून येणाऱ्या लोकल कल्याण ते ठाणे स्टेशनदरम्यान खोळंबल्या आहेत. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

कळवा स्टेशनवर ओव्हरहेड वायर तुटल्याने फास्ट ट्रेन या स्लो ट्रॅकवरून वळवल्या जात आहेत. दुपारच्या सुमारास मध्य रेल्वेवर तांत्रिक बिघाड झाल्यामुळे लोकल १५ ते २० मिनिटे उशिराने धावत आहेत. तसेच डाऊन फास्ट लाईन पुढील घोषणा होईपर्यंत बंद राहणार असल्याची माहिती हाती आली आहे.

प्रवाशांचे हाल

रेल्वे वाहतुकीवर परिणाम झाल्याने प्रवाशांचे हाल होताना दिसत आहे. १५ ते २० मिनिटे ट्रेन उशिरा असल्याने प्रवाशांना रेल्वे स्टेशनवर लोकलची वाट पाहावी लागत आहे. मध्य रेल्वेची ही वाहतूक विस्कळीत झाल्याने रेल्वे स्टेशनवर काही प्रमाणात प्रवाशांची गर्दीही झाली आहे.