जळगाव : एकनाथ खडसे भाजपत जाणार हे खडसेंनी स्वतःच सांगितलं आहे. त्यांनी राष्ट्रवादी पक्षाकडे राजीनामा दिला. खडसेंचा (Eknath Khadse) विषय जुना झाला असून नवीन काही विचारा. तसेच खडसेंचा राजीनामा आणि लोकसभा निवडणुकीचा संबंध नाही; असे मत राष्ट्रवादी शरद पवार गटाचे प्रदेशाध्यक्ष जयंत पाटील (Jayant Patil) मांडत अधिक बोलणे टाळले. (Tajya Batmya)

लोकसभा निवडणुकीसाठी (Raver) रावेर मतदार संघातून महाविकास आघाडीचे उमेदवार श्रीराम पाटील यांचा उमेदवारी अर्ज दाखल करण्यासाठी (Jalgaon) जळगाव येथे जयंत पाटील आले असता ते माध्यमांशी संवाद साधताना बोलत होते. यावेळी त्यांनी महाविकास आघाडीचे जळगाव व रावेर मतदार संघातील दोन्ही उमेदवार चांगल्या मताधिक्क्याने विजयी होतील असा विश्वास देखील व्यक्त केला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अनिल पाटलांवर साधला निशाणा 

मंत्री अनिल पाटील यांच्याबद्दल विचारले असता कोण अनिल पाटील? म्हणून जयंत पाटील यांनी उल्लेख केला. तसेच असे बरेच भुरटे आमच्यातून गेले आहेत. परंतु निष्ठेचे जे आहेत ते तुतारी वाजविल्याशिवाय राहणार नाहीत. अमळनेरात तुतारी अनिल पाटलांचा पराभव करणार असा विश्वास देखील जयंत पाटील यांनी व्यक्त केला.