Sunil Shelke News : भाजपसोबत जाण्यासाठी शरद पवार यांच्याकडे घेऊन जाणारा मोरक्या कोण?; सुनील शेळके यांचा धक्कादायक गौप्यस्फोट

बीड : भारतीय जनता पक्षासोबत जायला पाहिजे. आपण सत्तेत जायला पाहिजे. असे सांगून २२ जुन २०२२ रोजी वाय बी सेंटरला (Sharad Pawar) शरद पवार साहेबाकडे कोण घेऊन चालले होते. आमच्या सर्व आमदारांचा मोरक्या कोण होता?; असा उल्लेख करत आमदार सुनील शेळके (Sunil Shelke) यांनी आमदार रोहित पवार यांच्याबद्दल गौप्यस्फोट केला.  (Latest Marathi News)

राष्ट्रवादीचे (NCP) आमदार रोहित पवार (Rohit Pawar) यांच्याबद्दल धक्कादायक गोप्यस्फोट आमदार सुनील शेळके यांनी करताना रोहित पवार आज निष्ठेची भाषा बोलतात. आपण पहिला टर्मचे आमदार आहात. आपल्या भावना जरूर मांडल्या पाहिजे. परंतु आपण देखील किती पाण्यात आहे, हे जनतेला माहित आहे. अधिक खोलात न जाता योग्य वेळी आपले तोंड बंद करावं. अन्यथा आम्ही या आठवड्यात तोंड उघडणार; असा इशारा सुनील शेळके यांनी रोहित पवार यांना दिला.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

विकास कोणी केला जनतेला माहित आहे 
लोकसभा निवडणुकीबद्दल बोलताना बारामतीमध्ये विकास कोणी केला आहे. हे जनतेला चांगले माहित आहे. त्यामुळे सुमित्रा पवार या दोन लाख मताने विजय होतील; असा विश्वासही सुनील शेळके यांनी व्यक्त केला.