जळगाव : दिवसाढवळ्या रस्ता लुटीचे अनेक प्रकार घडत आहेत. काहीतरी बहाणा करून चोरटे रस्त्यावरून पैसे लांबवत आहेत. असाच प्रकार (Jalgaon) जळगाव शहरात घडला असून कारचे ऑइल पडत असल्याचे सांगत कारमधून दीड लाखाची रोकड लांबविल्याची घटना घडली आहे.  (Tajya Batmya)

जळगाव शहरातील महात्मा गांधी रोडवर ही घटना घडली आहे. शहरातील रामेश्वर कॉलनीतील गोपाल काशिनाथ पलोड (वय ६७) यांचे दाणाबाजारात दुकान आहे. सायंकाळच्या सुमारास त्यांनी दुकान बंद केले. यानंतर ते कारने महात्मा गांधी रोडने घरी निघाले होते. याचवेळी दुचाकीवरून आलेल्या दोघांनी पलोड (Crime News) यांना कारमधून ऑइल पडत असल्याचे सांगितले. यामुळे पलोड यांनी कर थांबविली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

चालकाचे लक्ष विचलित करून कारमध्ये ठेवलेली १ लाख ५० हजाराची रोकडची बॅग लांबविली. काही कळण्याच्या आत दोघे चोरटे दुचाकीवरून पसार झाले. ही घटना लक्षात आल्यावर गोपाल पलोड यांनी शहर पोलिस ठाण्यात गुन्हा दाखल केला. (Police) पोलिसांकडून चोरट्यांचा शोध सुरु आहे.