Shirpur News : मित्राला फोन करत संपविले जीवन; तापी नदीत मारली उडी

शिरपूर (धुळे) : सावळदे (ता. शिरपूर) येथील पुलावरून तापी नदीत उडी मारत युवकाने आत्महत्या केली. सदरची घटना (Shirpur) घडल्यानंतर तीन दिवसांनी युवकाचा मृतदेह हाती लागला. महेश श्रावण धनगर (वय २०, रा. कुरखळी, ता. शिरपूर) असे मृत युवकाचे नाव आहे. (Latest Marathi News)

महेश धनगर हा एका खासगी (Dhule) कंपनीत नोकरीस होता. २६ फेब्रुवारीला रात्री साडेआठला कोणालाही न सांगता तो घरातून निघून गेला. यानंतर त्याने मित्र अविनाश याला फोन करून मोबाईल, चार्जर व चप्पल तापी पुलावर (Tapi River) ठेवले. यानंतर नदीत उडी टाकत असल्याची माहिती दिली. यानंतर मित्राने त्याच्या घरी सांगितल्यानंतर सर्वजण पुलावर पोचले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तिसऱ्या दिवशी सापडला मृतदेह 

घटनेनंतर दोन दिवस शोध घेतला. मात्र मृतदेह सापडून आला नाही. ल्यानंतर २९ फेब्रुवारीला दुपारी दीडला एनएमआयएमएस संकुलाच्या शेजारी नदीपात्रात महेश धनगरचा मृतदेह तरंगताना आढळला. आत्महत्येचे कारण समजू शकले नाही. शहर (Police) पोलिस ठाण्यात आकस्मिक मृत्यूची नोंद करण्यात आली असून, हवालदार पाटील तपास करीत आहेत.