Summary -

• २०२६ मध्ये होळी कधी साजरी केली जाणार याबाबत गोंधळ

• ३ की ४ मार्च रोजी साजरी केली जाणार याबाबत गोंधळ

• महाराष्ट्रात शाळांना ३ मार्च रोजी सुट्टी असणार आहे

• बिहारमध्ये सलग दोन दिवस म्हणजे ३ आणि ४ मार्च रोजी सुट्टी राहणार

रंगाचा सण होळी काही दिवसांवर येऊन ठेपला आहे. होळी कधी यावरून कन्फ्यूजन आहे. काही जण ३ मार्च तर काही जण ४ मार्चला होळी असल्याचे बोलत आहे. त्यामुळे शाळा प्रशासन, विद्यार्थी आणि पालक होळीच्या सुट्टीबाबत गोंधळात पडले आहेत. होळीच्या सुट्ट्या राज्यांच्या अधिकृत कॅलेंडरनुसार ठरवल्या जातात. उत्तर प्रदेश, बिहार, दिल्ली आणि राजस्थान यासारख्या राज्यांमध्ये वेगवेगळ्या दिवशी होळीच्या सुट्टी असतात. होळीची सुट्टी ३ मार्च की ४ मार्चला याचा गोंधळ आपण दूर करणार आहे.

होळीचा सण मोठ्या उत्साहात देशभरामध्ये साजरा केला जातो. यावर्षी २०२६ मध्ये होळी बुधवार ४ मार्च रोजी साजरी केली जाणार असल्याचे सांगितले जात आहे. होलिका दहन त्याच्या आदल्या दिवशी होणार आहे. देशभरातील शाळा सामान्यत: होळीच्या दिवशी बंद असतात. काही राज्यांमध्ये सुट्टी दोन दिवसांपर्यंत असते.

मुंबई, ठाणे, नवी मुंबईसह महाराष्ट्रातील इतर शहरांमधील शाळांना ३ मार्चला म्हणजे धुलीवंदनच्या दिवशी सुट्टी असणार आहे. विद्यार्थी आणि पालकांनी होळीच्या सुट्ट्यांसाठी शाळा प्रशासनाला संपर्क साधावा. दिल्लीतील शाळांना ४ मार्च रोजी सुट्टी असणार आहे. काही शाळांमध्ये ३ मार्च रोजी होळीसाठी सुट्टी असू शकते किंवा काही शाळांमध्ये अर्ध्या दिवसाची सुट्टी असू शकते.

मध्य प्रदेशमध्ये २ आणि ३ मार्चला होळीच्या सुट्ट्या असणार आहेत. हरियाणा आणि पंजाबमध्ये ४ मार्चला होळीची सुट्टी जाहीर करण्यात आली आहे. बिहारमध्ये सहसा होळीच्या सुट्ट्या दोन दिवस असतात. ३ आणि ४ मार्च जोरी बिहारमध्ये शाळा बंद राहणार आहेत. राजस्थानमध्ये २ आणि ३ मार्चला शाळांना होळीची सुट्टी असणार आहे.