हिंदू धर्मात मंगळवार हा दिवस भगवान हनुमानजींना अर्पण मानला जातो. या दिवशी भक्त विशेष पूजा करून हनुमान चालीसाचं पठण करतात. अशी मान्यता आहे की, मंगळवारी प्रभूंची भक्ती करून काही खास उपाय केले तर जीवनातील दुःख, संकटं आणि भय दूर होण्यास मदत होते. चला जाणून घेऊया असे काही सोपे उपाय जे मंगळवारी केल्यास हनुमानजींची विशेष कृपा मिळू शकणार आहे.

४० मंगळवार तुलशीपत्र करा अर्पण

मंगळवारी १०८ तुलशीपत्रांवर ‘राम’ नाव लिहून ते हनुमानजींना अर्पण करावं. हा उपाय सलग ४० मंगळवार श्रद्धाभावाने केल्यास प्रभू प्रसन्न होतात आणि भक्तावर त्यांची विशेष कृपा राहण्यास मदत होते. या उपायाने केवळ बजरंगबली नव्हे तर भगवान श्रीरामांचेही आशीर्वाद मिळतात. त्यामुळे आयुष्यातील अडथळे दूर होतात आणि घरात सुख-शांती आणि आनंद नांदतो.

बूंदीचा प्रसाद अर्पण करा

हनुमान मंदिरात जाऊन प्रभूंना बूंदीचा प्रसाद अर्पण करणं अत्यंत शुभ मानलं जातं. मंदिरात प्रसाद अर्पण केल्यानंतर तो लहान मुलांना वाटल्यास नकारात्मक ऊर्जा नाहीशी होऊन सकारात्मकतेचा संचार होतो. या उपायामुळे हनुमानजींची कृपा सतत लाभत राहते.

बजरंगबलींना लाल जाणवं अर्पण

मंगळवारी लवकर उठून स्नान करून स्वच्छ वस्त्रे धारण करावीत. या दिवशी लाल किंवा केशरी रंगाचे कपडे घालणं अत्यंत शुभ मानण्यात येतं. मंदिरात जाऊन बजरंगबलींना लाल जनेऊ अर्पण करावं. हा उपाय केल्याने आयुष्यातील अडथळे दूर होण्यास मदत होते. त्याचप्रमाणे अडकलेली कामं यशस्वीरीत्या पूर्ण होतात.

मारुति स्तोत्राचं पठण

प्रत्येक मंगळवारी मारुति स्तोत्राचं श्रद्धेने पठण करणं अत्यंत फलदायी ठरू शकतं. सलग ४० मंगळवार हा उपाय केल्यास सर्व चिंता दूर होतात आणि मनःशांती मिळते. बजरंगबलींच्या कृपेने जीवनातील अडचणी नाहीशा होतात आणि यशाची दारे खुली होतात.

हनुमान गायत्री मंत्राचा जप

मंगळवारी ‘ॐ आञ्जनेयाय विद्महे, वायुपुत्राय धीमहि। तन्नो हनुमत् प्रचोदयात्॥’ या हनुमान गायत्री मंत्राचा जप करणं अत्यंत फलदायी ठरतं. या मंत्राच्या जपाने चिंता, तणाव आणि भय नाहीसे होतात.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)