Somvar Upay: सोमवारच्या दिवशी शंकराचे करा 'हे' उपाय; देवी लक्ष्मी स्वतः येईल घरी

हिंदू धर्मात भगवान शिव यांना प्रेम आणि शक्तीचे देव मानलं जातं. अशी श्रद्धा आहे की, जो कोणी भोलेनाथाची भक्तिभावाने पूजा करतो, त्याच्या जीवनात सुख-समाधान येते आणि मृत्यूनंतर त्याला मोक्षही प्राप्त होतो. असंही म्हटलं जातं की, सोमवारच्या दिवशी जर भक्ताने फक्त एका लोट्यातील पाणीही शिवलिंगावर अर्पण केलं, तरी भोलेनाथ प्रसन्न होतात आणि मनोकामना पूर्ण करतात.

ज्योतिष्य तज्ज्ञांच्या सांगण्यानुसार, असे काही उपाय आहेत जे केल्याने व्यक्तीच्या आयुष्यात सुखाचे क्षण येतात. शिवकृपा प्राप्त करण्यासाठी काही विशेष उपायही सांगितले गेले आहेत. हे उपाय कोणते आहेत ते पाहूयात.

जल आणि दूध अर्पण करा

सोमवारच्या दिवशी शिवमंदिरात जाऊन शिवलिंगावर स्वच्छ पाणी, दूध आणि गंगाजल अर्पण करावे. यामुळे भगवान शिव प्रसन्न होऊन भक्ताला सुख-समृद्धीचा आशीर्वाद देतात.

बेलपत्र आणि धतूरा अर्पण करा

शिवलिंगावर बेलपत्र व धतूरा अर्पण केल्यास साधकाच्या आयुष्यात सौख्य, यश आणि मंगलमयता येते.

महामृत्युंजय मंत्राचा जप करा

सोमवारी शिवलिंगाची शास्त्रानुसार पूजा करून महामृत्युंजय मंत्राचा जप करावा. या जपामुळे रोग, अडथळे व संकटांपासून मुक्ती मिळते.

दान करण्याचं महत्त्व

या दिवशी मंदिरात रुद्राक्ष दान करणे अत्यंत फलदायी मानले जाते. असे दान केल्याने साधकाला उत्तम फळांची प्राप्ती होते.

कोणते कपडे परिधान करावे?

सोमवारच्या दिवशी व्यक्तीने शक्यतो पांढऱ्या रंगाचे वस्त्र परिधान करावे. यामुळे मनात शांती, सकारात्मक ऊर्जा आणि स्थैर्य राहतं. या दिवशी उपवासही ठेवावा, ज्यामुळे शरीर आणि मन अधिक शुद्ध होते.

धनसंकट दूर करण्यासाठी उपाय

जर कोणी आर्थिक अडचणीतून जात असेल तर सोमवारच्या रात्री शिवमंदिरात जाऊन शिवलिंगासमोर तुपाचा दिवा लावावा. यामुळे धनसंबंधी सर्व अडचणी हळूहळू दूर होतात.

नोकरीत यश मिळवण्यासाठी उपाय

जे लोक नोकरीत प्रगतीच्या मार्गात अडथळे अनुभवत आहेत. त्यांनी सोमवारच्या दिवशी शिवलिंगावर मध अर्पण करावं. या कृतीमुळे करिअरमध्ये नवी संधी आणि यशाचे दरवाजे उघडतात.